তেজপুৰ জ্যোতি নগৰৰ বৃদ্ধ নিৰুদ্দেশ বিহালীত

তেজপুৰ জ্যোতি নগৰৰ বৃদ্ধ নিৰুদ্দেশ বিহালীত।
চিন্তিত পৰিয়ালৰ সদস্য

বিহালী ২৩ মাৰ্চ:
শোণিতপুৰ জিলাৰ তেজপুৰ আৰক্ষী থানা অন্তৰ্গত জ্যোতি নগৰৰ এজন বৃদ্ধ লোক বিহালীত নিৰুদ্দেশ হোৱা ঘটনাত সমগ্ৰ অঞ্চলজুৰী চাঞ্চল্য সৃষ্টি কৰিছে।

প্ৰাপ্ত খবৰ অনুসৰি, সম্ভু দাস নামৰ ৬৫ বছৰীয়া বৃদ্ধ লোকজন যোৱা ২২ মাৰ্চত বিহালী আৰক্ষী থানা অধিনৰ বৰগাং আৰক্ষী চকী অন্তৰ্গত বৰগাং মিলনপুৰৰ নিজৰ সমন্ধীয় লোকৰ ঘৰত পূজা অনুষ্ঠানত অংশগ্ৰহণ কৰিবলৈ অহা লোক জন বুধবাৰে পুৱা প্ৰায় ৬ মান বজাত পাত: ভ্ৰমণ কৰিবলৈ উলাই যোৱাত
বৰ্তমান সময়লৈকে ঘৰলৈ উভতি নহাত পৰিয়ালৰ লোক চিন্তিত হৈ পৰিছে।

ইফালে এই সন্দৰ্ভত পৰিয়ালৰ লোকে বৰগাং আৰক্ষী চকীত এক এজাহাৰ দাখিল কৰে।
এজাহাৰত উল্লেখ কৰা অনুসৰি লোক জনে কাণেৰে কম শুনে আৰু স্মৃতি শক্তি হ্ৰাস পোৱাত বহু কথা পাহৰি গৈছে ।
কোনো সদাশয় লোকে এই লোকজনক দেখা পালে বা সন্ধান পালে পৰিয়াল মোবাইল নম্বৰ 8399027089/8399027089 ত নহ’লে স্থানীয় আৰক্ষী থানাত যোগাযোগ কৰিবলৈ আহ্বান জনাইছে পৰিয়াললোকে।