মুকালমুৱাত সীমান্ত সুৰক্ষা বাহিনীৰ ড্ৰাগছৰ বিৰুদ্ধে সজাগতা সভা আৰু স্বচ্ছ অভিযান
সীমান্ত সুৰক্ষা বাহিনী চমুকৈ SSB ৰ ৬৮ নং বেটেলিয়নৰ অধিনায়ক মধুকাৰ অমিতাভৰ নিৰ্দেশত আজি নলবাৰীৰ মুকালমুৱাত ড্ৰাগছৰ বিৰোধী এখন সভা অনুষ্ঠিত হয় ৷
ড্ৰাগছৰ কৱলৰ পৰা সমাজক ৰক্ষা কৰাৰ উদ্দেশ্যৰে নৱপ্ৰজন্মৰ ছাত্ৰ-ছাত্ৰী সকলৰ মাজত সজাগতা সভা অনুষ্ঠিত কৰে সীমান্ত সুৰক্ষা বাহিনীয়ে ৷
বাহিনীৰ মুকালমুৱাস্থিত অস্থায়ী চাউনীত ৰঘুনাথ চৌধাৰী উচ্চতৰ মাধ্যমিক বিদ্যালয়ৰ দুই শতাধিক ছাত্ৰ-ছাত্ৰীক ড্ৰাগছৰ পৰা সমাজক কেনেকৈ ৰক্ষা কৰিব পাৰি আৰু সমাজৰ পৰা ড্ৰাগছ নিৰ্মুল কৰাত নৱ প্ৰজন্মই কেনেকৈ আগভাগ লব তাকলৈ বাহিনীৰ শীৰ্ষ বিষয়া সকলে ভাষণ প্ৰদান কৰে ৷
তদুপৰি মানৱ সৰবৰাহকাৰীয়ে যুৱতী-মহিলাক সকলক কেনেকৈ তেওঁলোকৰ জালত পেলাই আৰু মানৱ সৰবৰাহকাৰীৰ পৰা যুৱতী মহিলা সকলে কেনেকৈ সজাগ হৈ থাকিব লাগে সেই উদ্দেশ্যৰেও বিৱৰী কয় বাহিনীৰ বিষয়া-জোৱান সকলে ৷
সজাগতা সভা সম্পন্ন হোৱাৰ পিছত বাহিনীৰ সহকাৰী উপ পৰিদৰ্শক বকুল সোণোৱালৰ নেতৃত্বত চাউনীৰ বিষয়া-জোৱান সকলে স্বচ্ছ অভিযান শীৰ্ষক এক সমদল উলিয়াই ৰঘুনাথ চৌধাৰী উচ্চতৰ মাধ্যমিক বিদ্যালয়ত উপস্থিত হৈ স্বচ্ছ অভিযানত অংশগ্ৰহণ কৰে ৷
নলবাৰীৰ পৰা ফইজুল হক চৌধুৰী
