ৰঙাপৰাত উলহ মালহেৰে উদযাপন কৰম উৎসৱ

■ ৰঙাপৰাৰ নামগাওঁ চাহ বাগিছাত দ্বিতীয় বাৰ্ষিক ৰাজহুৱা কৰম উৎসৱ পালন কৰা হয়। দুদিনীয়া কাৰ্যসূচীৰে অনুষ্ঠিত কৰা হৈছে কৰম উৎসৱ। ৰঙাপৰা উন্নয়ন খণ্ডৰ অন্তৰ্গত নামগাওঁ চাহ বাগিছাৰ ১৫ নং শ্ৰমিক লাইন খেলপথাৰত অসম চাহ জনজাতি ছাত্র সন্থা চমুকৈ আটছাৰ নামগাওঁ প্ৰাথমিক গোটৰ উদ্যোগত অনুষ্ঠিত হৈ যায় চাহ জনগোষ্ঠীৰ প্ৰধান তথা কৃষি ভিত্তিক উৎসৱ কৰম পূজা৷

দেওবাৰে নিশা কৰম ডাল পূজা বেদীত স্থাপন কৰাৰ পিছতে মুখৰিত হৈ পৰে উৎসৱস্থলী। চাহ জনগোষ্ঠীয় যুৱক-যুৱতীসকলে ঝুমুৰ নৃত্যৰে মন-প্ৰাণ উদ্বেলিত কৰি তোলে। কৰম পূজা উপলক্ষে আবেলিৰ ভাগত অনুষ্ঠিত হৈ যায় এখনি মুকলি সভা৷

প্ৰাথমিক গোটৰ সভাপতি ব্ৰজনাথ গৰাইত,সম্পাদক যোগেশ ভূঞাৰ আৰু সাংস্কৃতিক সম্পাদিকা মীনা কৰ্মকাৰৰ পৰিচালনাত অনুষ্ঠিত মুকলি সভাখনত আটছাৰ তেজপুৰ শাখাৰ উপদেষ্টা ৰবাৰ্টছন খৰা,অসম চাহ মজদুৰ সংঘ তেজপুৰ শাখাৰ ভাৰপাপ্ত সম্পাদক সুনিল টুটী, অসম চাহ মজদুৰ সংঘ তেজপুৰ শাখাৰ গাণনিক গজেন শইকীয়া,নামগাওঁ চাহ বাগিচাৰ সহকাৰী পৰিচালক মনোজ ডেকা,আটছাৰ শোণিতপুৰ জিলা সমিতিৰ সভাপতি শশিদান্দ কন্দ,আটছা তেজপুৰ শাখাৰ প্ৰাক্তন সভাপতি মুকুল তাতী, ৰঙাপৰা উপ শাখাৰ সভাপতি চাকিৰাম তাতী,সম্পাদক এলবেষ্টাৰ খেৰিয়া,ক্ৰীড়া সম্পাদক পিতাম্বৰ দাস প্ৰমুখ্যে বহুকেইজন বিশিষ্ট লোকে অংশগ্ৰহণ কৰে৷

কৰম পূজাৰ থলীত চাহ জনগোষ্ঠীৰ লোক সংস্কৃতিৰ প্ৰদৰ্শন কৰি সমাজত এক আদৰ্শময় পৰিৱেশ সৃষ্টি কৰাৰ প্ৰয়াস কৰে কৰম পূজা উদযাপন সমিতিয়ে।

Be the first to comment

Leave a Reply

Your email address will not be published.


*


This site uses Akismet to reduce spam. Learn how your comment data is processed.