এজন ব্যতিক্ৰমী পূজাৰী আৰু মহানুভৱতা
অসম খবৰ চতিয়া ৪ এপ্ৰিল :
এজন ব্যতিক্ৰমী পূজাৰী ৷ পূজাৰী জন এই কাৰণেই ব্যতিক্ৰমী বুলি কৈছো কাৰণ এই জন পূজাৰীয়ে মন্দিৰটোত থকা দেৱদেৱীৰ লগতে নিতৌ পূজা কৰে দেৱদেৱীৰ লগতে নিৰ্মাণ কৰি লোৱা নিজন আৰু নিজৰ জীৱিত পত্নীৰ প্ৰতিমূৰ্ত্তিত ৷এইবাৰ নিজৰ মহানুভৱতাৰ পৰিচয় দি পুনৰ চৰ্চালৈ আহিছে চতিয়াৰ ঘিলাধাৰী নৈৰ সমীপত থকা পঞ্চমূখী হনুমানন্ মন্দিৰৰ এইজন পূজাৰী ৷
মন্দিৰৰ দান-বৰঙনিৰে এইবাৰ পূজাৰী জনে কিনিলে এখন এম্বুলেন্স ৷ বাবা ৰাম দাস সন্তজী মহাৰাজ নামৰ এই পূজাৰী জনক বোলে সপোনত ইশ্বৰে নিৰ্দেশ দিয়াৰ বাবে দুখীয়াৰ বাবে কিনিলে এইখন এম্বুলেন্স ৷ ২০০৮ চনৰ পৰা পোৱা দান-বৰঙনিৰে এম্বুলেন্স কিনি ৰাইজলৈ উচৰ্গা কৰিছে৷ বিশ্বনাথৰ ঘিলাধাৰী দলংৰ কাষত থকা শিৱ গংগা ধাম পঞ্চমুখী হনুমান মন্দিৰৰ পুৰোহিত বাবাই কিনা এই এম্বুলেন্স খনৰ জড়িয়তে উপকৃত হব ৰোগী সকল ৷ যি সকল ৰোগীৰ সামৰ্থ্য আছে কেৱল তেল ভৰালেই পাব এই এম্বোলেন্স সেৱা আৰু যি সকল ৰোগীৰ সামৰ্থ্য নাই বিনামুলীয়াকৈ লাভ কৰিব এই এম্বুলেন্স সেৱা ৷ জৰুৰীকালীন সময়ত এম্বুলেন্স লাগিলে মন্দিৰ কৰ্তৃপক্ষৰ লগত 8486312848 নম্বৰত যোগাযোগ কৰিলেই ৰোগীয়ে লাভ কৰিব এম্বুলেন্স সেৱা ৷
