গোৱালিয়ৰত অনুষ্ঠিত ৩২ সংখ্যক ৰাষ্ট্ৰীয় পেৰা সাতোঁৰ প্ৰতিযোগিতাত ১০ টা পদক অসমৰ

অসমে মধ্য প্ৰদেশৰ গোৱালিয়ৰত অনুষ্ঠিত ৩২ সংখ্যক ৰাষ্ট্ৰীয় পেৰা সাতোঁৰ প্ৰতিযোগিতাত ১০ টা পদক লাভ কৰিছে। আজি সামৰণি পৰা প্ৰতিযোগিতাখনত অসমে ৫ টা সোণ, ২ টা ৰূপ আৰু ৩ টা ব্ৰঞ্জৰ পদক অৰ্জন কৰিবলৈ সমৰ্থ হয়। অসম পেৰালিম্পিক সন্থাই প্ৰকাশ কৰা মতে, ৩ দিনীয়া প্ৰতিযোগিতাখনৰ আজি অন্তিম দিনা অসমে ৩ টা সোণসহ ৫ টা পদক লাভ কৰে। আজি অসমৰ হৈ য়েছমিনা খাতুনে ১০০ মিটাৰ ব্ৰেষ্টষ্ট্রোকত দ্বিতীয়টো সোণৰ পদক লাভ কৰাৰ বিপৰীতে কৃষ্ণা দাসে দ্বিতীয় দিনা ২টাকৈ সোণৰ পদক অৰ্জন কৰে। প্ৰতিযোগিতাৰ প্ৰথম দিনা য়েছমিনা এটা সোণ আৰু ২টা ৰূপৰ পদক অৰ্জন কৰিছিল। ইফালে কৃষ্ণা দাসে ১০০ মিটাৰ বাটাৰফ্লাই আৰু ৱেষ্টস্ট্রোকত সোণ অৰ্জন কৰি তৃতীয়টো সোণৰ পদক লাভ কৰাৰ গৌৰৱ অৰ্জন কৰে। অসমৰ আন এগৰাকী আন্তঃর্জাতিক খ্যাতিসম্পন্ন পেৰা সাতোঁৰবিদ আনোৱাৰ ছিকদাৰে আজি ব্ৰঞ্জৰ পদক অৰ্জন কৰে। ৰাজ্যখনৰ পেৰা সাতোঁৰ দলৰ এই অনবদ্য প্ৰদৰ্শনৰ বাবে অসম পেৰালিম্পিক সন্থাই সাতোৰবিদসকলক অভিনন্দন জনাইছে। উল্লেখযোগ্য যে এই প্রতিযোগিতাত অসমৰ এটা ১৬ জনীয়া সাতোৰবিদৰ দলে অংশগ্ৰহণ কৰিছিল।

Be the first to comment

Leave a Reply

Your email address will not be published.


*


This site uses Akismet to reduce spam. Learn how your comment data is processed.