ঠাকুৰবাৰী চাহ বাগিচাত দুদিনীয়া কাৰ্যসূচীৰে কৰম পূজা উদযাপন

■ শোণিতপুৰ জিলাৰ ৰঙাপৰা থানাৰ অন্তৰ্গত ঠাকুৰবাৰী চাহ বাগিছাৰ ৯নং শ্ৰমিক লাইনত সদৌ অসম আদিবাসী ছাত্র সন্থা(আছা)ৰ ঠাকুৰবাৰী প্ৰাথমিক গোটৰ উদ্যোগত দুদিনীয়া কাৰ্য্যসূচীৰে অনুষ্ঠিত হৈ যায়।

চাহ জনগোষ্ঠীয় লোকসকলৰ প্ৰধান তথা কৃষি ভিত্তিক উৎসৱ কৰম পূজা৷ কৰম ডাল পূজা বেদীত স্থাপন কৰাৰ পিছতে মুখৰিত হৈ পৰে উৎসৱস্থলী। আদিবাসী যুৱক-যুৱতীসকলে ঝুমুৰ নৃত্যৰে মন-প্ৰাণ উদ্বেলিত কৰি তোলে। কৰম পূজা উপলক্ষে আবেলিৰ ভাগত অনুষ্ঠিত হৈ যায় এখনি মুকলি সভা৷

আদিবাসী ছাত্ৰ নেতা বিৰজু ওৰাংৰ সভাপতিত্বত অনুষ্ঠিত মুকলি সভাখনত আত ধৰে প্ৰাক্তন ছাত্র নেতা বিজয় ভেংৰাই। ছাত্র নেতা আমান ওৰাং আৰু সূৰজ ওৰাঙে অনুষ্ঠান পৰিচালনাত সহযোগ কৰে।ৰঙাপৰা মণ্ডল বিজেপিৰ সভাপতি দীপক তেলি, ঠাকুৰবাৰী চাহ বাগিচাৰ সহকাৰী পৰিচালক মাধুৰ্য্য ৰাজ দত্ত, আছাৰ শোণিতপুৰ জিলা প্ৰচাৰ সম্পাদক কৃষ্ণ নায়ক, ডি ডাইমণ্ড হাৰ্ট ইংৰাজী বিদ্যালয়ৰ শিক্ষয়িত্ৰী মেহজেবিন নেছা, ঠাকুৰবাৰী গাওঁ পঞ্চায়তৰ সভানেত্ৰী মীৰা পানিকা,আঞ্চলিক পঞ্চায়তৰ সদস্যা গৌৰী কাণ্ডুলনা প্ৰমুখ্যে বহুকেইজন বিশিষ্ট লোকে অংশগ্ৰহণ কৰে৷

সভাত কৰম পূজা উপলক্ষে ঝুমইৰ নৃত্যৰ প্ৰতিযোগিতা অনুষ্ঠিত হয়। বিয়লি কৰম ডাল বিসৰ্জনৰে কৰম উৎসৱৰ সামৰণি হয়।

Be the first to comment

Leave a Reply

Your email address will not be published.


*


This site uses Akismet to reduce spam. Learn how your comment data is processed.