■ কৌন বনেগা কৌড়ৰপতি আপুনি চাইছে নিশ্চয়! ঠিক তেনে এক ঘটনা ঘটিল ৩ গৰাকী বন্ধুৰ মাজত। হঠাৎ লাখপতি হৈ পৰিল তিনি বন্ধু। অব্যৱহৃত এটি এটিএম। পুৰণি এই এটিএমটো কিনিছিল ৩ জন বন্ধুৱে। তেওঁলোকে এটিএমটো ক্ৰয় কৰি ইয়াক খুলি দেখিলে যে ভিতৰৰ ভাগত ধনৰাশি ৰখা ঠাইখিনিও সোমাই আছে।
জানিব পৰা মতে এটিএমটো তিনিজন বন্ধুৱে ৩০০ ডলাৰ বা ভাৰতীয় মুদ্ৰাত ২২,০০০ টকাৰ অলপ বেছি মূল্যত ক্ৰয় কৰিছিল। তেওঁলোকে মেচিনৰ ভিতৰভাগ কি আছে বা কেনেবাকৈ টকা আছে নেকি চাবলৈ সকলো খুলি দিয়ে। হঠাৎ দেখিবলৈ পালে যে, এটিএমৰ ধাতুৰ বাকচটোত পালে ২,০০০ ডলাৰ আছে। ভাৰতীয় মূল্য হিচাপে ১.৫ লাখ টকাতকৈ অধিক।
তিনিজন বন্ধুৱে জনপ্ৰিয় সামাজিক মাধ্যমৰ প্লেটফৰ্ম টিকটকক গোটেই ঘটনাটোৰ এটা ভিডিঅ’ দিছিল। তিনিওজনে হাতুৰী আৰু সা-সঁজুলিৰ দ্বাৰা এটিএম খোলাৰ প্ৰয়াস কৰা ভিডিঅ’টোত দেখুৱাইছে। অৱশেষত, তেওঁলোকে সফল হ’ল। ভিডিঅ’টো ৰেকৰ্ড কৰা ব্যক্তিজনে ঘটনাটোৰ প্ৰসংগও বৰ্ণনা কৰিছিল। তেওঁ কৈছিল যে, এজন ব্যক্তিয়ে তেওঁলোকক এটিএমটো এটা চৰ্তত বিক্ৰী কৰিছিল যে যদি ভিতৰত কিবা থাকে, তাৰ অধিকাৰী কিনোতাৰ হ’ব আৰু তাত তেওঁৰ কোনো অধিকাৰ নাই।
এই ঘটনাটো বিদেশৰ কোনো এখন ঠাইত সংঘটিত হৈছে। অৱশ্যে, কোনখন দেশ বা কোনখন চহৰ সঠিকভাৱে জনা নাযায়। তিনিজন বন্ধুৱে টিকটক ভিডিঅ’ত কৈছিল, তেওঁলোকে ভাবিছিল যে কিছু টকা থাকিব। কিন্তু তেওঁ কেতিয়াও কল্পনা কৰা নাছিল যে ১.৫ লাখৰো অধিক টকা লাভ কৰিব বুলি।
