বিহালীৰ ৰতোৱাত বাইক দুৰ্ঘটনা/আহত নগাঁও, কমাৰগাঁৱৰ তাপস ডেকা/তেজপুৰলৈ প্ৰেৰণ
অসম খবৰ বেদেতী, ২৩ জুনঃ বিহালীৰ জিনজিয়া আৰক্ষী থানাৰ অন্তৰ্গত ৰতোৱা অ’ভাৰ ব্ৰীজৰ নাতিদূৰৰ ৰাষ্ট্ৰীয় ঘাইপথত আজি বিয়লি এক বাইক দুৰ্ঘটনা সংঘটিত হয় ।
বিশ্বনাথ চাৰিআলিৰ দিশৰ পৰা বৰগাং অভিমুখি এখন বাইক ( A K02 8333)ত অহা প্ৰায় ২৫-২৬ বছৰীয়া এজন যুৱকৰ সন্মুখেদি এজনী ছাগলী হঠাতে দৌৰি পাৰ হৈ যোৱাত নিয়ন্ত্ৰণ ৰক্ষা কৰিব নোৱাৰি পথৰ মাজতে বাইকসহ আৰোহীজন বাগৰি পৰে । ফলত গুৰুতৰভাৱে আঘতপ্ৰাপ্ত হয় যুৱক জন । সেই সময়তে তাত উপস্থিত হোৱা কেইজনমান সচেতন লোকে স্থানীয় জিনজিয়া আৰক্ষী থানাত যোগাযোগ কৰাত আৰক্ষীয়ে ততাতৈয়াকৈ প্ৰথমে বিশ্বনাথ চাৰিআলি অসামৰিক চিকিৎসালয়লৈ নিয়ে যদিও উন্নত চিকিসাৰ বাবে তেজপুৰলৈ প্ৰেৰণ কৰে । জিনজিয়া আৰক্ষীৰ পৰা জানিব পৰা মতে আহত যুৱকজনৰ নাম তাপস ডেকা আৰু তেওঁৰ অৱস্থা কিছু গুৰুতৰ ।
