■ কৃষ্ণাইৰ পৰা কন্দৰ্প কুমাৰ দেৱ নাথঃ গোৱালপাৰা জিলাৰ আগিয়া আৰক্ষী থনাৰ অন্তৰ্গত টুকুৰা ৰাজহুৱা শ্মশানত শিৱৰাত্ৰিৰ দিনাখনেই নৱ নিৰ্মিত এটা পকী চিৰিৰ আনুষ্ঠানিক ভাবে শুভ উদ্বোধন কৰাা হয় ৷ উদ্বোধন কৰে শ্মশান পৰিচালনা সমিতিৰ সভাপতি অসীম চক্ৰৱৰ্তীয়ে৷
উল্লেখ যোগ্য যে, টুকুৰা ৰাজহুৱা শ্মশানত শৱ দাহ কৰিবলৈ অহা লোক সকলে এটা চিৰি নথকাৰ বাবে দীৰ্ঘদিন ধৰি অসুবিধা ভোগ কৰি আহিছিল ৷ শেহতীয়াকৈ পাইকানৰ শিক্ষক দম্পতী চন্দন চক্ৰৱৰ্তী আৰু ভাস্বতী শৰ্মাৰ প্ৰয়াত পিতৃ-মাতৃ মণিকান্ত দেৱ শৰ্মা আৰু ধনদা শৰ্মাৰ স্মৃতিত টুকুৰা শ্মশানত শব দাহ কৰিবলৈ আহা লোকসকলোৰ সুবিধাৰ বাবে পকী চিৰি নিৰ্মাণ কৰি দিয়ে৷
সেই খটখটীটোয়ে শিৱৰাত্ৰিৰ পৱিত্ৰ ক্ষণত ৰাইজৰ ব্যৱহাৰৰ বাবে আনুষ্ঠানিক ভাবে মুকলি কৰে৷ চক্ৰবৰ্তী দম্পতীৰ এই মহানুভৱতাত স্থানীয় ৰাইজৰ লগতে শ্মশান পৰিচালনা সমিতিয়ে সন্তোষ প্ৰকাশ কৰে ৷
