অসম খবৰ , বিশ্বনাথৰ পৰা ৰমেশ চন্দ্ৰ চৰেণ , ২৪ নবেম্বৰ ঃ বিশ্বনাথ জিলাৰ অসম অৰুণাচল সীমান্তবৰ্তীৰ জিতপুৰত সদৌ চাওঁতাল ছাত্ৰ সন্থা পাভৈ আঞ্চলিক সমিতিখন গঠনৰ উদ্দেশ্যে আজি গাম্ভীৰ্যপূৰ্ণ ভাবে সভা এখন অনুষ্ঠিত হৈ যায় ৷
বিশ্বনাথ জিলা চাওঁতাল ছাত্ৰ সন্থাৰ সভাপতি ৰমেশ চন্দ্ৰ চৰেণ’ৰ সভাপতিত্বত অনুষ্ঠিত হোৱা সভাৰ আঁত ধৰে সাধাৰণ সম্পাদক চ’ম চৰেণে ৷
সভাত চাওঁতাল জনগোষ্ঠীৰ শৈক্ষিক , আৰ্থ সামাজিক ,ৰাজনৈতিক, তথা কলা কৃষ্টি সংস্কৃতিৰ ওপৰত বিশদভাৱে আলোচনা কৰাৰ লগতে অসম অৰুণাচল সীমান্তৱৰ্তীৰ অধ্যুষিত গাওঁসমুহৰ বিভিন্ন সমস্যা , অভাৱ অভিযোগৰ উপৰিও সাংগাঠনিক দিশতো আলোকপাত কৰে ৷
বিশেষকৈ শৈক্ষিক সমস্যা তথা বাটপথ আৰু বিশুদ্ধ খোৱাপানীৰ সুব্যৱস্থাকৰনৰ বাবে সন্থাই বিশেষ পদক্ষেপ গ্ৰহন কৰাৰ সিদ্ধান্ত গ্ৰহন কৰে ৷তদুপৰি ৮০% বা তাতোধিক নম্বৰ প্ৰাপ্ত ছাত্ৰ ছাত্ৰীক পঢ়াৰ বিশেষ সুবিধা প্ৰদান কৰাৰো এক ঐতিহাসিক প্ৰস্তাৱ গ্ৰহন কৰা হয় ৷এইখন সভাতেই সদৌ চাওঁতাল ছাত্ৰ সন্থাৰ পাভৈ আঞ্চলিক সমিতিখন পুৰ্ণাংগ পৰ্যায়ৰ গঠন কৰা হয় ৷
সভাপতি হিচাবে সম্ভু মাৰ্ডি সৰ্বসন্মতি ক্ৰমে নিৰ্বাচিত হোৱাৰ বিপৰীতে উপসভাপতিৰ পদত ক্ৰমে মণ্টু হেমৰম আৰু ছাৰলেচ হেমৰমক সভাখনে দায়িত্ব ন্যস্ত কৰে ৷
সাধাৰণ সম্পাদকৰ পদত ৰবেন বেশ্ৰা, সহকাৰী সাধাৰণ সম্পাদকদ্বয় ক্ৰমে ৰবীন্দ্ৰ কিস্কু আৰু প্ৰেম বেশ্ৰাক মনোনিত কৰাৰ লগতে সাংগঠনিক সম্পাদকদ্বয় , শিক্ষা সম্পাদক , আৰু ক্ৰীড়া সম্পাদকৰ বিষয়ববীয়া ৰূপে ক্ৰমে চুকুল মুৰ্মু , সুবাই বাস্কে ,কোঁৱৰ হেম্বৰম আৰু কিষ্টু হেম্বৰমক সভাখনে মনোনিত কৰি দায়িত্ব অৰ্পন কৰে ৷
সভাত বিশ্বনাথ জিলা চাওঁতাল ছাত্ৰ সন্থাৰ উপসভাপতি জনক চৰেণ , মুখ্য সাংগঠনিক সম্পাদক ৰাজেন মুৰ্মু , প্ৰচাৰ সম্পাদক দেবেশ্বৰ হেম্বৰম , কাৰ্যনিৰ্বাহক সদস্য জিতেন হেম্বৰম, সাংবাদিক তথা বিশিষ্ট সমাজকৰ্মী কুৰ্বেশ্বৰ মাৰাণ্ডী সহ আন কেইবাগৰাকী বিশিষ্ট ব্যক্তি সকল উপস্থিত থাকে ৷শলাগৰ শৰাই আগবঢ়াই জিলা উপসভাপতি মাধৱ মাৰাণ্ডীয়ে ৷ বৃহত্তৰ পাভৈ অঞ্চলটোৰ প্ৰায় ৩০ খনৰো অধিক চাওঁতালী গাওঁৰ ছাত্ৰ ছাত্ৰী সকলে সভাত অংশ গ্ৰহণ কৰা বুলি জানিব পৰা গৈছে ৷
