নাৰায়ণপুৰৰ লখিমপুৰ পলিটেকনিকত উত্তপ্ত পৰিস্থিতি : অধ্যক্ষৰ বিৰুদ্ধে গৰজি উঠিল শিক্ষক আৰু ছাত্ৰ-ছাত্ৰী
নাৰায়ণপুৰ ১৬ ডিচেম্বৰ :
নাৰায়ণপুৰৰ লখিমপুৰ পলিটেকনিকত উত্তপ্ত পৰিস্থিতি
। প্ৰতিস্থান খনৰ অধ্যক্ষ সুভাষ চন্দ্ৰ দাসৰ বিৰুদ্ধে শ্ৰেণী কোঠাৰ পৰা ওলাই আহিল শিক্ষক-ছাত্ৰ-ছাত্ৰী । শিক্ষয়িত্ৰীক অশালীন আচৰণৰ লগতে দুৰ্ব্যৱহাৰ অভিযোগ ।
শিক্ষয়িত্ৰীক নিশা যাপনৰ বাবেও অনুৰোধ জনোৱাৰ অভিযোগ অধ্যক্ষ গৰাকীৰ বিৰোদ্ধে ।
অধ্যক্ষ গৰাকীয়ে নিজ খেয়ালখুচিৰে শিক্ষকৰ দৰ্মহা কৰ্তনৰো অভিযোগ উত্থাপন শিক্ষয়িত্ৰী সকলৰ ।
পৰিনতিত তীব্ৰ নিৰাপত্তা হীনতাত ভূগিছে শিক্ষয়িত্ৰী সকলে ।
আনহাতে প্ৰতিস্থান খনৰ ছাত্ৰ আৰু ছাত্ৰী নিবাসত দীৰ্ঘদিন ধৰি পঢ়াৰ সু-ব্যৱস্থা নথকাৰ উপৰি খোৱা পানীৰ লগতে নিয়মীয়া সুৰক্ষা ব্যৱস্থা নথকাৰ অভিযোগ উত্থাপন কৰে ছাত্ৰ-ছাত্ৰী সকলে ।
বিভিন্ন সময়ত অভিযোগ দি অহাৰ পিছতো কোনোধৰণৰ গুৰুত্ব নিদিয়াৰ বাবেই আজি এই উত্তাল প্ৰতিবাদ সাব্যস্ত কৰে ছাত্ৰ-ছাত্ৰী সকলে ।
শিক্ষা প্ৰতিস্থান খনৰ অধ্যক্ষ সুভাষ চন্দ্ৰ দাসে নিজ খেয়াল খুচি মতে ছাত্ৰ-ছাত্ৰীৰ মাছুল বৃদ্ধি কৰাৰ লগতে আন আন কাৰ্য সমুহো সম্পাদন কৰি অভিযোগ তুলি তীব্ৰ ক্ষোভ আৰু অসন্তুষ্টি প্ৰকাশ কৰে ছাত্ৰ-ছাত্ৰীসকলে । শীঘ্ৰে অধ্যক্ষ গৰাকীক শিক্ষা প্ৰতিস্থান খনৰ পৰা আঁতৰাই আন এগৰাকী অধ্যক্ষ নিযুক্তি দিবৰ বাবে শিক্ষক আৰু ছাত্ৰ-ছাত্ৰী সকলে দাবী জনাইছে ।
নাৰায়ণপুৰ জয়ন্ত কুমাৰ হাজৰিকা
