টাটা গ্রুপৰ মালিক ৰতন টাটাৰ এখন বিশেষ চিঠি, কিয়, কাৰ বাবে, কি লিখা আছে এইখন চিঠিৰ মাজত!

■ কলিকতাৰ এগৰাকী যুৱক। যুৱকজনৰ এনে এটা দিন আছিল, যেতিয়া তেওঁৰ পকেটত মাত্ৰ ২,৫০০ টকাহে আছিল। তেওঁ সেই টকাৰে চেণ্ডউইচ ব্যৱসায় আৰম্ভ কৰিছিল। বৰ্তমান এইজন যুৱক সকলোৰে বাবে আদৰ্শ। এতিয়া তেওঁ সেই ব্যৱসায়ৰ পৰা উপাৰ্জন কৰি বহু লাখ টকাত উপনীত হৈছে। মাত্ৰ কেইবছৰমানৰ ভিতৰতে, কলকাতাৰ ২৬ বছৰীয়া যুৱক ছিয়ন চক্ৰৱৰ্তীয়ে বহুদূৰ আগবাঢ়িছে তেওঁ নিজ ব্যৱসায়ত।

তেওঁ কেনেকৈ এই পথ অতিক্ৰম কৰিছিল? চিয়ানে তেওঁৰ লিখিত এখন আত্মজীৱনী মূলক গ্ৰন্থত এই প্ৰশ্নটোৰ উত্তৰ দিছে। তেওঁৰ আত্মজীৱনী শেহতীয়াকৈ বাংলা আৰু ইংৰাজী দুয়োটা ভাষাতে প্ৰকাশ হ’ব। কিতাপখনত তেওঁ কেনেকৈ ষ্টাৰ্টআপ ব্যৱসায়ত সফল হৈছে তাৰ বিৱৰণ দিছে। কিতাপখন সবিশেষ উদ্যোগপতি ৰতন টাটাৰ হাতত পৰিছে। কিতাপখন বিষয়ে জানি ৰতন টাটা ইমানেই অভিভূত হৈ পৰে যে, তেওঁ তাৎক্ষণিক ভাৱে ছিয়নলৈ এখন চিঠি লিখি পঠিয়াই।

ধনাঢ্য এইগৰাকী নামী উদ্যোগপতি ৰতন টাটাই কি লিখিছিল?

‘আপোনাৰ কথা শুনি মই অত্যন্ত সুখী আৰু গৌৰৱান্বিত,’ তেওঁ ছিয়নলৈ এটা ইমেইলত এনেদৰে লিখিছিল। আপুনি যি ধৰণে ব্যৱসায়িক ইচ্ছা বজাই ৰাখিছে আৰু সফল হৈছে তাৰ দ্বাৰা মই অভিভূত। কিন্তু সেইখিনিয়ে সকলো নহয়। ছিয়ানক অভিনন্দন জনাই ৰতন টাটাই কয় যে, তেওঁৰ আশা এদিন ছিয়ানক লগ পোৱাৰ ইচ্ছা।

ছিয়ানে সামাজিক মাধ্যমৰ যোগেদি ৰতন টাটাৰ ইমেইলৰ এখন ফটো শ্বেয়াৰ কৰিছিল। যুৱ ব্যৱসায়ী গৰাকীয়ে কয় যে, তেওঁ ৰতন টাটাক কম বয়সৰ পৰাই তেওঁৰ আদৰ্শ হিচাপে গণ্য কৰি আহিছে। তেওঁৰ মতে, ৰতন টাটাৰ পৰা পোৱা চিঠিখন জীৱনৰ এটা অতি গুৰুত্বপূৰ্ণ দিন।

ছিয়ানে লিখা কিতাপখন এই বছৰৰ চলিত অক্টোবৰত মাহত পেৰিছত প্ৰকাশ পাব। ডিচেম্বৰৰ মাহৰ পৰা দেশৰ পঢ়ুৱৈসকলৰ হাতত কিতাপখন উপলব্ধ হ’ব।