মহাৰাষ্ট্ৰ বিধায়ক অসমলৈ ধাপলি ::
পুৱাই ৰেডিশ্বন ব্লুত উপস্থিত মহাৰাষ্ট্ৰৰ 3 বিসম্বাদী বিধায়ক ::
গুৱাহাটীৰ ২৩ জুন ::
অসম এতিয়া মহাৰাষ্ট্ৰ বিধায়ক সকলৰ বাবে এক নিৰাপদ স্থান হিচাপে চিহ্নিত হৈছে। কাৰণ ইজনৰ পিছত সিজন মহাৰাষ্ট্ৰ বিধায়ক ধাপলি মেলিছে অসমৰ ৰাজধানী গুৱাহাটীলৈ। বৃহস্পতিবাৰে পুৱা 7.30 বজাতপুনৰ 3 জন শিৱসেনাৰ বিসম্বাদী বিধায়ক উপস্থিত হৈছে গুৱাহাটীৰ ৰেডিশ্বন ব্লুত হোটেলত ।
মহাৰাষ্ট্ৰৰ 3 বিসম্বাদী বিধায়কক বৰঝাৰ বিমানবন্দৰৰ পৰাই কটকটীয়া নিৰাপত্তাৰে ৰেডিছন ব্লুলৈ লৈ যোৱা হয় ।
ইয়াৰ 2 জনৰ নাম চাদা চাৰৱাঙ্কাৰ আৰু মংগেশ কুদালকাৰ বুলি জানিব পৰা হৈছে ৷
আনহাতে বৰ্তমানলৈ
আন জন বিধায়কৰ নাম ব জানিব পৰা হোৱা নাই ৷
বিধায়ক 3 জনৰ দুজন শিৱসেনাৰ ।
ইতিমধ্যে শিৱসেনাৰ বিদ্ৰোহী নেতা একনাথ সিন্দেই শিৱসেনাৰ 38 আৰু নিৰ্দলীয় 7 গৰাকী বিধায়কক লগত লৈ গুৱাহাটীৰ ৰেডিশ্বন ব্লুত বাহৰ পাতি আছে ।
শিৱসেনাৰ বিদ্ৰোহী নেতা একনাথ সিন্দেৰ নেতৃত্বত মহাৰাষ্ট্ৰৰ 41 গৰাকী বিসম্বাদী বিধায়কে বুধবাৰে পুৱা বৰঝাৰ বিমানবন্দৰৰ পৰাই কটকটীয়া নিৰাপত্তাৰে ৰেডিছন ব্লুলৈ আহিছিল । এই বিধায়কসকল চুৰাটত বাহৰ পাতি আছিল ।
তাৰ পৰাই তেওঁলোকক গুৱাহাটীলৈ অনা হয় ।আকৌ বুধবাৰে নিশা 9 বজাত মহাৰাষ্ট্ৰৰ চাৰি শিৱসেনাৰ বিসম্বাদী বিধায়ক উপস্থিত হৈছিল গুৱাহাটীৰ ৰেডিশ্বন ব্লুত । লগতে গুজৰাটৰ বিজেপিৰ ৰাজ্যিক সভাপতি চন্দকান্ত পাটিলো আহিছিল । এতিয়া 48 জন বিসম্বাদী বিধায়কে আৰম্ভ কৰিছে একনাথ সিন্দেৰ নেতৃত্বত ৰাজনীতিৰ নতুন অংক ।
অবিজেপি শাসিত মহাৰাষ্ট্ৰৰ চৰকাৰ ভঙা-পতাৰ খেলখন অসমত হোৱাক লৈ চলিছে বিশেষ চৰ্চা । মহাৰাষ্ট্ৰৰ 3 বিসম্বাদী বিধায়কৰ বাহন ৰেডিশ্বন ব্লুৰ সম্মুখত সাংবাদিকে ঘেৰি ধৰে যদিও তেওঁলোকে কোনো মন্তব্য দিয়া পৰিলক্ষিত নহ’ল সম্পূৰ্ণ মন্তব্য পৰা বিৰত থাকে 3 বিধায়ক।
Leave a Reply