বলিউডৰ কিং খান শ্বাহৰুখ খানৰ পুত্ৰ আৰ্যনক ছদ্মবেশত গ্ৰেপ্তাৰ কৰা সমীৰ ৱানখেডেৰ বলিউডৰ সৈতে কি সম্পৰ্ক?

■ শ্বাহৰুখ খানৰ পুত্ৰ আৰ্যনক ড্ৰাগছৰ গোচৰত গ্ৰেপ্তাৰ কৰাৰ পিছত, নাৰ্কোটিক্স কণ্ট্ৰোল ব্যুৰো (এনচিবি)ৰ বিষয়া সমীৰ ৱানখেডেৰ নামটোৱে পুনৰ সংবাদ জগতৰ শিৰোনাম দখল কৰিছে। এই ঘটনাই বলীউড জগতৰ বাবে অশ্বৰ্যকৰ হৈ পৰিছে।

■ এজন ৩০ বছৰ বয়সৰ বিষয়া সমীৰে শ্বাহৰুখ খনৰ পুত্ৰক গ্ৰেপ্তাৰ কৰি নিবলৈ যাত্ৰীৰ ছদ্মবেশত আছিল। তাৰ পিছত, আৰ্যন আৰু তেওঁৰ লগৰীয়া আন বহুতক হাতে-লোতে গ্ৰেপ্তাৰ কৰে।

■ ড্ৰাগ-যোগৰ পৰা ২০১১ চনত মুম্বাই বিমানবন্দৰত ২০১১ চনৰ বিশ্বকাপ ক্ৰিকেট ট্ৰফীলৈকে, অভিনেতা সুশান্ত সিং ৰাজপুতৰ অস্বাভাৱিক মৃত্যুৰ তদন্তত- সকলোৱে চিনি পোৱা একমাত্ৰ ‘নায়ক’ হৈ পৰিছে সমীৰ। ২০০৮ চনৰ আইআৰএছ বিষয়া সমীৰৰ ইটোৰ পিছত সিটো কামৰ এটা নমুনা দেখিবলৈ পোৱা গৈছে। তেওঁৰ দলে যোৱা দুটা বছৰত মুম্বাই বিমানবন্দৰৰ পৰা ১৭,০০০ কোটি টকাৰ ড্ৰাগছ জব্দ কৰিছে।

■ এইগৰাকী এনচিবি বিষয়া সমীৰৰ পোনপটীয়াকৈ বলীউডৰ সৈতেও সু-সম্পৰ্ক আছে। তেওঁৰ পত্নী ক্ৰান্তি ৰেডকাৰ এগৰাকী বলিউডৰ অভিনেত্ৰী। তেওঁ বলীউডৰ ছবিতো অভিনয় কৰিছে।

■ সমীৰে অজয় দেৱগন অভিনীত ‘গংগাজল’ অভিনেত্ৰী ক্ৰান্তি ৰেডকাৰৰ সৈতে বিবাহপাশত আৱদ্ধ হৈছে। সমীৰৰ পত্নী ক্ৰান্তি মাৰাঠী চলচ্চিত্ৰ উদ্যোগৰ এগৰাকী জনপ্ৰিয় অভিনেত্ৰী।

■ তেওঁলোক দুয়ো ২০১৭ চনত বিবাহ পাশত আৱদ্ধ হয়। বৰ্তমান সময়ত দুয়ো মুম্বাইত বাস কৰে। ক্ৰান্তিয়ে একাধিক মাৰাঠী চলচ্চিত্ৰত অভিনয় কৰিছে। তেওঁ টিভি ধাৰাবাহিক আৰু থিয়েটাৰতো অভিনয় কৰি আছে।

■ সমীৰৰ পত্নী ক্ৰান্তি মুম্বাই চহৰত ডাঙৰ-দীঘল হৈছে। তেওঁ প্ৰথমে কাৰ্ডিনেল গ্ৰেচিয়াছ হাই স্কুলত পঢ়িছিল আৰু তাৰ পিছত ৰামনাৰায়ণ ৰুইয়া মহাবিদ্যালয়ৰ পৰা স্নাতক ডিগ্ৰী লাভ কৰিছিল।

■ তেওঁ কম বয়সৰ পৰাই এটা লক্ষ্য নিৰ্ধাৰণ কৰিছিল। সেয়েহে কলেজ সম্পূৰ্ণ কৰাৰ পিছত, তেওঁ উচ্চ শিক্ষাৰ পিছত দৌৰি নোযোৱাকৈ অভিনয়ৰ বাবে অডিচন দিয়া আৰম্ভ কৰে। তেওঁ ২০০০ চনত অংকুশ চৌধুৰীৰ এখন মাৰাঠী ছবিত অভিনয়ৰ সুযোগ পাইছিল।

■ দৰ্শকে তেওঁক প্ৰথম অভিনীত বোলছবিখনৰ পৰা ভাল পাবলৈ আৰম্ভ কৰিছিল। অতি কম সময়ৰ ভিতৰতে, অজয় দেৱগনৰ বলীউড ছবি ‘গংগাজল’ত সুযোগ লাভ কৰে।

■ তেওঁ ২০১৫ চনত ‘কাকন’ শীৰ্ষক এখন চলচ্চিত্ৰ পৰিচালনা কৰিছিল। পৰিচালকৰ চৰিত্ৰটোৱে দৰ্শকৰ হৃদয়ো জিনিবলৈ সক্ষম হয়।

■ অভিনেত্ৰী ক্ৰান্তি সামাজিক মাধ্যমত যথেষ্ট জনপ্ৰিয়। ইনষ্টাগ্ৰামত তেওঁৰ তিনি লাখতকৈও অধিক অনুসৰণকাৰী আছে। সমীৰ আৰু ক্ৰান্তিৰ দুই যমজ কন্যা সন্তান আছে।

■ অভিনেত্ৰী ক্ৰান্তি যিমান ফুৰ্তিবাজ, বিপৰীতে সমীৰ গহীন-গম্ভীৰ স্বভাৱৰ। সমীৰক সাধাৰণতে হাঁহি থকা দেখা নাযায়। ক্ৰান্তিয়ে সঘনাই ইনষ্টাগ্ৰামত দুয়োৰে সৈতে বহু ফটো শ্বেয়াৰ কৰিছে। ক্ৰান্তিৰ ইনষ্টাগ্ৰাম পোষ্টটোৱে প্ৰকাশ কৰে যে সমীৰৰ দৰে স্বামী হিচাপে পাই তেওঁ গৌৰৱান্বিত।