অসম লেখিকা সমাজৰ তৃতীয় বাৰ্ষিক প্ৰতিষ্ঠা দিৱস

গুৱাহাটীঃ অসম লেখিকা সমাজৰ উদ্যোগত আৰু নলবাৰী জিলা লেখিকা সমাজৰ সহযোগত অহা ৭ নৱেম্বৰত দিনযোৰা কাৰ্যসূচীৰে নলবাৰী জিলা পুথিভৰাল প্ৰাংগনত অসম লেখিকা সমাজৰ তৃতীয় বাৰ্ষিক প্ৰতিষ্ঠা দিৱসৰ লগতে তৃতীয় বাৰ্ষিক অধিৱেশন অনুষ্ঠিত হ’ব৷ কাৰ্যসূচী অনুসৰি দিনৰ ১০.১৫ বজাত অসম লেখিকা সমাজৰ বিভিন্ন জিলাৰ পৰা অহা প্ৰতিনিধিসকলৰ উপস্থিতিত সতীৰ্থ সন্মিলন আৰু বিয়লি ১ বজাত মুকলি সভা অনুষ্ঠিত হ’ব৷ মুকলি সভাত অসম লেখিকা সমাজে প্ৰৱৰ্তন কৰা ‘মহীয়সী বটা’, ‘সাহিত্য সৌৰভ বটা’, হাস্য-ব্যংগ শিল্পী বঁটা, সাহিত্য সম্পাদনা বঁটা আৰু সৃষ্টি বৈভৱ সাহিত্য প্ৰেৰণা বটা প্ৰদান কৰা হ’ব৷ লগতে সমাজৰ মুখপত্ৰ ‘প্ৰজ্ঞা’ উন্মোচন কৰা হ’ব৷ নলবাৰী জিলাই প্ৰতিষ্ঠা দিৱস উপলক্ষে প্ৰকাশ কৰি উলিওৱা স্মৃতিগ্ৰন্থ ‘মনস্বিনী’ আৰু তিনিগৰাকী লেখিকাৰ তিনিখন গ্ৰন্থ উন্মোচন কৰা হ’ব৷