গুৱাহাটী, ১০ নৱেম্বৰ: মহানগৰীৰ সৰুসজাইৰ নালাপাৰাৰ লক্ষ্মী-নাৰায়ণ সামূহিক-সাংস্কৃতিক কেন্দ্ৰত বিশ্ব হিন্দু পৰিষদ উত্তৰ-পূব প্ৰান্ত সেৱা বিভাগ, লখৰা খণ্ডৰ উদ্যোগত আৰু লক্ষ্মী-নাৰায়ণ সামূহিক-সাংস্কৃতিক কেন্দ্ৰৰ সহযোগত বিনামূলীয়া পাঠদান কাৰ্যসূচীৰ আজি বন্তি প্ৰজ্বলনেৰে শুভাৰম্ভ কৰা হয়।
প্ৰতি সপ্তাহৰ দেওবাৰে ৰাতিপুৱা ৭-৩০ বজাৰ পৰা ১০.৩০ বজালৈ গণিত, বিজ্ঞান, ইংৰাজী আৰু অসমীয়াত অভিজ্ঞ শিক্ষকৰ দ্বাৰা পাঠদানৰ ব্যৱস্থা কৰা হৈছে।
আজিৰ কাৰ্যসূচীত বিশ্ব হিন্দু পৰিষদৰ কেইবাগৰাকীও কৰ্মকৰ্তাৰ লগতে কেইবাগৰাকীও শিক্ষক আৰু ছাত্ৰ-ছাত্ৰী উপস্থিত থাকে। অনুষ্ঠানত কেন্দ্ৰৰ সদস্য-সদস্যাসকলৰ উপৰি বিশিষ্ট ব্যক্তি উপস্থিত থাকে। আজিৰ অনুষ্ঠানত উপস্থিত থকা আটাইলৈকে উদ্যোক্তাসকলে আন্তৰিক অভিনন্দন জ্ঞাপন কৰে।
