অৰুণাছলৰ নাহৰলগুণৰ পৰা গ্ৰেপ্তাৰ দুই শিশু অপহৰনকাৰী
বিক্ৰী কৰিবলৈ নিয়া শিশু উদ্ধাৰ
বিশ্বনাথ চাৰিআলি ৯ ছেপ্টেম্বৰ :- অৰুণাছলৰ নাহৰলগুণৰ পৰা বিশ্বনাথ আৰক্ষীয়ে এক গোপন সূত্ৰৰ পম খেদি আজি গ্ৰেপ্তাৰ কৰিলে দুই শিশু অপহৰনকাৰীক ৷ ধৃত শিশু অপহৰণ কাৰী দুজন ক্ৰমে আবু টাহেৰ আৰু ললিত কেওট । ধৃত আবু টাহেৰৰ ঘৰ বিশ্বনাথৰ ৪ নং কুমলীয়াত ৷ ফলফলিৰ চাহিবুৰ ৰহমান নামৰ ব্যক্তিজনৰ ঘৰত ভাৰা থাকি ছবজি বেপাৰ কৰিছিল আবুৱে ৷ আইস্ক্ৰীম দিম বুলি ফুচুলাই নি অৰুণাছলত বিক্ৰি কৰিছিল প্ৰাৰ্থনা বৰুৱা নামৰ ৬ বছৰীয়া শিশুটিক ৷ বেদেতিৰ বৰালিমৰাৰ অৰুপ বৰুৱা নামৰ ব্যক্তিজনৰ কন্যা প্ৰাৰ্থনা বৰুৱা ৷ বিশ্বনাথ চাৰিআলিৰ ফলফলিৰ চাহিদা আখতাৰ আহমেদৰ ঘৰত ভাৰা থাকে অৰুপ বৰুৱা আৰু তেওঁৰ পৰিয়াল ৷ অৰুপ বৰুৱাৰ ঘৰৰ সমীপতে ভাৰাত আছিল অপহৰনকাৰী আবু টাহেৰ ৷ ঘৰত কোনো নথকাৰ সুযোগ গ্ৰহন কৰি অপহৰন কৰিছিল শিশুটিক ৷ অৰুণাছলীক ডেৰ লাখ টকাত বিক্ৰি কৰিবলৈ যোজা চলাইছিল অপহৰনকাৰী দুটাই ৷ অৰুণাছলৰ নাহৰলগুনৰ পৰা শিশুটিক উদ্ধাৰ কৰি অনাৰ লগতে কৰায়ত্ত কৰে অপহৰকাৰী দুটাক ৷ আনহাতে ললিত কেওট ৰ ঘৰ বৰপুখুৰী চাহ বাগিছাৰ বড়ো লাইনত ৷
