পৰীক্ষা গৃহত নিৰীক্ষকে প্ৰদান কৰা নিৰ্দেশনা ভূল হোৱাৰ অভিযোগ পৰীক্ষাৰ্থী ।
দেওবাৰে অসম চৰকাৰৰ সৰ্ববৃহৎ চতুৰ্থ বৰ্গৰ লিখিত পৰীক্ষা ।সমগ্ৰ ৰাজ্যৰ ভিন্ন প্ৰান্তৰ লগতে নলবাৰী জিলাতো ৬৯ টা পৰীক্ষা কেন্দ্ৰত অনুষ্ঠিত হয় লিখিত পৰীক্ষা ।
এই পৰীক্ষাত যাতে কোনো দূৰ্নীতি,হুলুস্থুলীয়া পৰিবেশ বিৰাজ নকৰাৰ বাবেই নলবাৰী জিলা প্ৰশাসনে নিয়াৰিকৈ পৰীক্ষা চলাই নিবলৈ ব্যৱস্থা কৰা পৰিলক্ষিত হৈছে ।
ইয়াৰ মাজতে নলবাৰী চহৰস্থিত নলবাৰী ছোৱালী উচ্চতৰ মাধ্যমিক বিদ্যালয় পৰীক্ষা কেন্দ্ৰত কিছু বিসংগতি হোৱা অভিযোগ উত্থাপন কৰিছে একাংশ পৰীক্ষাৰৃথীয়ে।
পু্আ ১০ বজাৰ পৰা আৰম্ভ হোৱা প্ৰথম কাকত দিনৰ ১২ বজাত শেষ হয়।
উল্লেখযোগ্য যে কেন্দ্ৰটোৰ এটা কোঠাৰ ২১ গৰাকী পৰীক্ষাৰ্থীৰ মাজত আৰম্ভ হয় হাহাকাৰ পৰিবেশ আৰম্ভণিতে ।
ঘটনাৰ বিৱৰণ অনুসৰি উক্ত পৰীক্ষা কেন্দ্ৰৰ এটা কোঠাত ২৪ গৰাকীকৈ পৰীক্ষাৰ্থীয়ে পৰীক্ষাত বহিছিল ।
কিন্তু উক্ত পৰীক্ষা কোঠাত দায়িত্বত থকা নিৰীক্ষক জনৰ ভুল নিৰ্দেশনাৰ বাবেই ২১ গৰাকীকৈ পৰীক্ষাৰ্থীৰ OMR চিট ভুলকৈ লিখা অভিযোগ উত্থাপন কৰিছে পৰীক্ষাৰ্থীয়ে।
ফলশ্ৰুতিত এই ২১ গৰাকী পৰীক্ষাৰ্থীয়ে আধা সময় নষ্ট হোৱা লগতে নিৰীক্ষকৰ ওপৰত ক্ষোভ প্ৰকাশ কৰে ।
লগতে তেওলোকৰ লিখিত পৰীক্ষাত নিৰ্দেশনা ভুল হলেও যেন লিখিত পৰীক্ষা পুনৰ নিৰীক্ষন কৰে তাৰ বাবেও কতৃপক্ষক আহ্বান জনাই । টকা-পইচা দি আবেদন কৰাৰ পিছত ও এগৰাকী নিৰীক্ষকৰ ভুলৰ বাবে ২১ গৰাকী পৰীক্ষাৰ্থীৰ ভৱিষ্যত এতিয়া কোন দিশে গতি কৰিব সেয়া এতিয়া সচেতন মহলৰ মুখে মুখে প্ৰশ্ন ।আনহাতে বিষয়টো মুখ্যমন্ত্ৰী হস্তক্ষেপ দাবী কৰিলে পৰীক্ষাৰ্থী সকলে।
নলবাৰীৰ পৰা ফইজুল হক চৌধুৰীৰ প্ৰতিবেদন
