বিশ্বনাথত গঁড় চিকাৰী গ্ৰেপ্তাৰ
বিশ্বনাথ চাৰিআলি ৭ জুলাই:- বিশ্বনাথত কালি নিশা বন বিভাগে গ্ৰেপ্তাৰ কৰে দুধৰ্ষ গড় চিকাৰী ৷ ধৃত গড় চিকাৰীটোৰ নাম ৰচিদুল হ’ক ওৰফে মেৰু ওৰফে বাবু বুলি বন বিভাগৰ সূত্ৰৰ পৰা জানিব পৰা গৈছে। ৰচিদুলৰ ঘৰ চতিয়াৰ ৪ নং ভোজমাৰীত ৷ ২০১৮ চনৰ জুন মাহত কাজিৰঙাত সংঘটিত গড় হত্যাৰ লগত জড়িত আছিল ৰচিদুল ৷ এই গঁড় হত্যাৰ পিছৰ পৰা তিনি বছৰ ধৰি কেৰেলাত আত্মগোপন কৰি আছিল ৰচিদুল ৷ দীৰ্ঘদিন ধৰি পলাতক অৱস্থাত থকা ৰচিদুলে অসমলৈ আহি ঘৰৰ পৰা ডেৰ কিলোমিটাৰ নিলগৰ এখন বিলত টঙীঘৰ বনাই লুকাই আছিল ৷ স্থানীয় দুগৰাকী লোকক লগত সুৰক্ষাৰ বাবে ৰাখিছিল ৰচিদুলে ৷ কেৰেলাৰ পৰা আহি নতুনকৈ গড় হত্যা কৰাৰ পৰিকল্পনা কৰি থাকোতেই বন বিভাগে কৰায়ত্ত কৰে ৰচিদুলক ৷ পলাতক অৱস্থাত থকা ৰচিদুলৰ আন কেইবাগৰাকীও সহযোগীক গ্ৰেপ্তাৰ কৰিবলৈ বন বিভাগে অভিযান আৰম্ভ কৰিছে
