প্ৰাণৰো প্ৰাণ, তুমিয়েই শিল্পী
হৃদয়স্পৰ্শীয় জুবিন গাৰ্গ।
তুমি অসমৰ কণ্ঠ, বুকুৰ আমঠু
ধ্ৰুব তৰাৰ দৰে, জিলিকি থাকিবা
সমগ্ৰ বিশ্বতে।
তুমি আলোড়িত কৰিলা
তোমাৰ সুৰীয়া কণ্ঠৰে
ক’ত অনুৰাগীক শোকৰ
সাগৰত পেলাই , তুমি
নিজেই বিলীন হ’লা সাগৰ তলীত।
তোমাৰ মৃত্যু অসমৰ বাবে
এক অপূৰণীয় ক্ষতি।
অসমৰ গৌৰৱ কঢ়িয়াই আনিবলৈ
তুমি গৈছিলা বহিঃৰাজ্যলৈ ।
অনমিকা গীতৰ সুৰীয়া কণ্ঠৰে
আৰম্ভ কৰি আজি শেষ নিশ্বাস
ত্যাগ কৰিলা ছিংগাপুৰত ।
তোমাৰ গায়ন শৈলীয়ে
বিশ্ববাসীক কৰিলে মুগ্ধ।
অসমৰ সংস্কৃতিক বিশ্ব মঞ্চলৈ আগবঢ়ায়
আজি তুমি অকাল মৃত্যুক সাৱটি ল’লা।
তোমাৰ বিয়োগত আজি , সমগ্ৰ বিশ্ব
মৰ্মাহত হৈ, নিবেদিছে শ্ৰদ্ধাঞ্জলি ।
ৰাজশ্ৰী সেনাপতি গগৈ,
ডিব্ৰুগড়
