আজি বিশ্বনাথত চাৰিলেনযুক্ত পথ নিৰ্মাণ সংস্থা টি•কে ইঞ্জিনিয়াৰিং কঞ্চট্ৰাকশ্ব’নৰ শোষণ-লুণ্ঠনৰ বিৰূদ্ধে ঠিকাদাৰ সন্থাৰ সভা
অদ্যাপি ৩০ কোটি টকা লেনাদেনা বাকী টি•কে ইঞ্জিনিয়াৰিং কঞ্চট্ৰাকশ্ব’নৰ
দিশহাৰা বিশ্বনাথৰ শতাধিক ঠিকাদাৰ…… …………………………………………………… ◼️ আজি বিশ্বনাথ জিলাৰ অন্তৰ্গত বিশ্বনাথৰ সাহিত্য সভা ভৱনত জিলাখনৰ প্ৰায় অৰ্দ্ধ শতাধিক চাৰিলেনযুক্ত পথ নিৰ্মাণকাৰী ঠিকাদাৰৰ এখন গুৰুত্বপূৰ্ণ বৈঠক সম্পন্ন হয়৷ বৈঠক খনত সভাপতিত্ব কৰে সংগঠনটোৰ স্থায়ী সভাপতি অজিত মূদৈয়ে৷ উল্লেখ্য যে, বিগত ২০১৬-১৭ চনত উত্তৰ অসমৰ ১৫ নং ৰাষ্ট্ৰীয় ঘাঁইপথৰ জামুগুৰীৰ পৰা গহপুৰলৈকে প্ৰায় ৬৫ কিলোমিটাৰ দৈৰ্ঘৰ পথছোৱা চুবুৰীয়া ৰাজ্য অৰুণাচলৰ পথ নিৰ্মাণ সংস্থা টি•কে ইঞ্জিনিয়াৰিং কঞ্চট্ৰাকশ্ব’ন নামৰ সংস্থা এটাই চাৰিলেনযুক্ত পথ নিৰ্মাণৰ ঠিকা আৱন্টন লাভ কৰিছিল৷ প্ৰায় ১৬ শ কোটি টকাৰ ব্যয় সাপেক্ষে নিৰ্মাণ কৰিবলগা চাৰিলেনযুক্ত পথছোৱাৰ ঠিকা লাভ কৰাৰ পিচত পথ নিৰ্মাণ সংস্থাটোৱে স্থানীয় একাংশ যুৱক চাৱ কন্টেক প্ৰদান কৰিছিল৷ প্ৰথম অৱস্থাত নিয়মিতভাৱে কামৰ বিপীৰতে বিল প্ৰদান কৰিছিল যদিও পৰবৰ্তী সময়ত পথ নিৰ্মাণ সংস্থাটোৱে স্থানীয় ঠিকাদাৰ সকলক বিভিন্ন অজুহাতৰে লেহেমীয়া গতিত বিল পৰিশোধ কৰি অৱশেষত প্ৰায় ৩০ কোটি টকাৰ বিল প্ৰদান নকৰাকৈ ১৫ নং ৰাষ্ট্ৰীয় ঘাঁইপথছোৱা চাৰিলেনযুক্তকৈ নিৰ্মাণ কৰা কাৰ্যৰ পৰা আঁতৰি যায়৷ ফলত পুনৰ পথছোৱাৰ নিৰ্মাণৰ ঠিকা লাভ কৰে ডিচিচি নামৰ আন এটা পথ নিৰ্মাণকাৰী সংস্থাই৷ বৰ্তমানে ডিচিচি নামৰ পথ নিৰ্মাণ সংস্থা এটাই চাৰিলেনযুক্ত পথ নিৰ্মাণ কাৰ্য অব্যাহত ৰাখিছে কিন্তু পূৰ্বে ঠিকা লাভ কৰা টি•কে কঞ্চট্ৰাকশ্ব’নে অদ্যাপিও বকেয়া ধনৰাশি ঠিকাদাৰ সকলক প্ৰদান নকৰাত স্থানীয় ঠিকাদাৰ সকল বাৰুকৈ সমস্যাত পৰিছে৷ বিগত প্ৰায় ডেৰ বছৰে বিশ্বনাথ জিলাৰ প্ৰায় অৰ্দ্ধ শতাধিক ঠিকাদৰে নিজ প্ৰাপ্য ধনৰাশি বিচাৰি বিশ্বনাথ জিলাৰ উপায়ুক্তক সাক্ষাৎ কৰি বহু আৱেদন নিবেদন কৰি আহিছে যদিও কোনো সুফল লাভ কৰা নাই৷ সেয়েহে শেহতীয়াভাৱে উপা়য়ন্তৰহৈ বিশ্বনাথ জিলাৰ অভিভাৱক মন্ত্ৰী পিয়ুষ হাজৰ্কাৰ পোনপটীয়া হস্তক্ষেপত ন্যায় বিচাৰি এক প্ৰস্তাৱ গ্ৰহণ কৰিছে বুলি জানিব পৰা গৈছে৷ তদুপৰি আজি বিশ্বনাথৰ সাহিত্য সভা ভৱনত অনুষ্ঠিত সভাত চুবুৰীয়া ৰাজ্য অৰুণাচলৰ পথ নিৰ্মাণ সংস্থা টি•কে ইঞ্জিনিয়াৰিং কঞ্চট্ৰাকশ্ব’নৰ পৰা প্ৰাপ্য হিচাপে পাবলগীয়া ৩০ কোটি টকা স্থানীয় ঠিকাদাৰ সকলক মুকলি কৰি দিৱলৈ অনুৰোধ জনাই এক স্মাৰক পত্ৰ প্ৰদানৰ সিদ্ধান্ত গ্ৰহণ কৰা বুলি জানিব পৰা গৈছে৷
