বিশ্বনাথৰ জৱাহৰ নবোদয় বিদ্যালয়ত প্ৰধান মন্ত্ৰীৰ পৰীক্ষা পে চৰ্চা অনুষ্ঠান

বিশ্বনাথ চাৰিআলি ১ এপ্ৰিল:- বিশ্বনাথৰ জৱাহৰ নবোদয় বিদ্যালয়ত আজি অনুস্থিত হয় প্ৰধান মন্ত্ৰী নৰেন্দ্ৰ মোদীৰ পৰীক্ষা পে চৰ্চা অনুষ্ঠান । বিদ্যালয় খনৰ প্ৰেক্ষাগৃহত প্ৰধান মন্ত্ৰী গৰাকীৰ পৰীক্ষা পে চৰ্চা অনুষ্ঠানটি প্ৰদৰ্শন কৰা হয় বিদ্যালয় খনৰ অধ্যয়নৰত ছাত্ৰ- ছাত্ৰী সকলৰ মাজত । ছাত্ৰ- ছাত্ৰী সকলে প্ৰধানমন্ত্ৰী গৰাকীয়ে পৰীক্ষা পে চৰ্চা বিষয়ক লৈ প্ৰদান কৰা বক্তব্য সমূহ মনোযোগেৰে শুনি ভৱিষ্যতৰ দিনত প্ৰধান মন্ত্ৰী গৰাকীয়ে বক্তব্যত প্ৰদান কৰা বিষয় সমূহ কাৰ্যকৰী কৰাত গুৰুত্ব প্ৰকাশ কৰে ।

আজি পুৱা ১১ বজাৰ পৰা অনুষ্ঠিত হোৱা অনুষ্ঠানটোত ষষ্ঠ শ্রেণীৰ পৰা দ্বাদশ শ্ৰেণীৰ সহস্ৰাধিক ছাত্ৰ- ছাত্ৰীয়ে অংশগ্ৰহণ কৰাৰ লগতে বিদ্যালয়খনৰ অধ্যক্ষ নিৰঞ্জন সিং ৰ উপৰিও শিক্ষক-শিক্ষয়ত্ৰী ক্ৰমে নৱজ্যোতি হাজৰিকা ,ধীৰেন্দ্ৰ প্ৰসাদ সিং, চন্দ্ৰ শেখৰ সিং, টিতো চাহা, বিপুল মিশ্ৰ, ববিতা কুমাৰী মাজু ডেকা, ববিতা দাস, সুজাতা বিশ্বাস, অংকুৰ বিকাশ দাস, ইলা ৰাণী বৰুৱা, পপী বৰুৱা, মমি হাজৰিকা, বিকাশ জ্যোতি বৰা, জোন মণি বৰুৱা, তৰুণ জিত য়ুনম ,আদি নাৰায়ণ নাথ, ঋতুপৰ্ণ খাটনিয়াৰ, মমতা দেৱী, নয়ন মণি বৈশ্য, মীনাক্ষী পতি ধৰ উপস্থিত থাকে ।