ৰাষ্ট্ৰীয় টাইকোৱানডো প্ৰতিযোগিতাত কংকী গগৈৰ সোণৰ পদক

ৰাষ্ট্ৰীয় টাইকোৱানডো প্ৰতিযোগিতাত সোণৰ পদক অৰ্জন কাজিৰঙাৰ জীয়ৰী কংকী গগৈ। বিহাৰৰ চিবান জিলাত অখিল বিদ্যা ভাৰতীয়ে সৰ্বভাৰতীয় ভিত্তিত আয়োজন কৰা ১ অক্টোবৰৰ পৰা অনুষ্ঠিত হোৱা ৰাষ্ট্ৰীয় টাইকোৱানডো প্ৰতিযোগিতাত কাজিৰঙালৈ গৌৰৱ কঢ়িয়াই আনিবলৈ সক্ষম হয় কংকীয়ে।

কংকীয়ে কাজিৰঙাৰ শংকৰদেৱ শিশু নিকেতনৰ ষষ্ঠ শ্ৰেণীৰ ছাত্ৰী। বাগৰিৰ বৰুণ গগৈ আৰু ববী গগৈৰ কন্যা। কংকী গগৈয়ে অসমৰ হৈ ৰাষ্ট্ৰীয় টাইকোৱানডো প্ৰতিযোগিতাত অংশগ্ৰহণ কৰিছিল। এতিয়া তেওঁ ভাৰতৰ হৈ খেলত অংশ ল’ব।