আজি কাতি মাহৰ অমাবস্যা তিথি ।
ত্রয়োদশীৰ দিনাৰ পৰাই নেপালী লোকে তিহাৰ উৎসৱ পালন কৰে।
প্রথম দিনা কাউৰী তিহাৰ ।
এই দিনা কাউৰীক পূজা কৰি সু-স্বাদু খাদ্য খাবলৈ দিয়ে !তাৰ পিছ দিনা কুকুৰ তিহাৰ ।
কুকুৰ প্রভু ভক্ত আৰু ঘৰৰ ৰখীয়া হিচাবে থাকি মালিকক সুৰক্ষা প্রদান কৰে বুলি নেপালী লোকে বিশ্বাস কৰি পুর্বৰে পৰাই পূজা কৰি আহিছে !
আজি গো পূজা ।নেপালী সম্প্রদায়ৰ লোকে পুৱাই গাইগৰুক গা ধুৱাই,পূজা কৰি খাবলৈ দিয়ে । লগতে গাই গৰুক মালা পিন্ধাই দিছে ।গাই গৰুক লক্ষ্মী বুলি পূজা কৰি আহিছে পুৰণি কালৰ পৰাই ।
তাৰ পিছ দিনা প্রতিপদাৰ দিনা হ’ল তিহাৰ অৰ্থাৎ বলধ গৰুক পূজা কৰে ।
বলধ গৰুৱে খেতিবাতিত সহায় কৰে বাবেই বছৰৰ এদিন পূজা কৰাৰ প্রথা চলি আহিছে ।
আনহাতে দ্বিতীয়া তিথিত ভ্রাতৃ দ্বিতীয়া ।
ভ্রাতৃ দ্বিতয়াৰ দিনা বাই ভনীয়ে টিকা লগাই মৰম চেনেহ আদা প্রদান কৰে ।
