কোভিডত সেৱা আগবঢ়োৱা শ্বহীদ মুকুন্দ কাকতি অসামৰিক চিকিৎসালয়ৰ চিকিৎসক, নাৰ্ছ, কৰ্মচাৰীক সম্বৰ্ধনা নলবাৰী জিলা আছুৰ

■ ফইজুল হক চৌধুৰী, নলবাৰী:

নলবাৰী আঞ্চলিক ছাত্ৰ সন্থাই জিলাখনৰ সদৰ চিকিৎসালয় শ্বহীদ মুকুন্দ কাকতি অসামৰিক চিকিৎসালয়ত উপস্থিত হৈ ক’ভিড কৰ্তব্যত সেৱাৰত চিকিৎসক, নাৰ্চ, চুপাৰসকলক সম্বৰ্ধনা জ্ঞাপন কৰে৷

কোভিড মহামাৰীৰ বিৰুদ্ধে নিৰন্তৰ যুঁজখনত আগবঢ়োৱা সেৱাৰ বাবে সম্বৰ্ধনা জ্ঞাপন কৰে ছাত্র সংগঠনটোৱে।
আনহাতে, নলবাৰী আঞ্চলিক ছাত্ৰ সন্থাই একেটা কাৰ্যসূচীতে চিকিৎসালয়খনত চিকিৎসাধীন ক’ভিড ৰোগীসকলৰ বাবে ফলমূল আগবঢ়ায়৷

উক্ত কাৰ্যসূচীত সদৌ অসম ছাত্র সন্থাৰ শিক্ষা সম্পাদক ভৱজিৎ বেজবৰুৱা,নলবাৰী জিলা ছাত্র সন্থাৰ সম্পাদক অক্ষয় ডেকা, নলবাৰী আঞ্চলিক ছাত্র সন্থাৰ সভাপতি ৰুবুল বৰ্মন,সম্পাদক নৱ ডেকা প্ৰমুখ্যে ছাত্ৰনেতা সকলে অংশগ্ৰহণ কৰে।