ICC World Cup 2023
ৱাংখেড়েত ২০১৯ ৰ পোতক তুলিলে ভাৰতে। কিৱি বাহিনীক পৰাস্ত কৰি বিশ্বকাপ ২০২৩ ৰ ফাইনেলত প্ৰৱেশ টীম ইণ্ডিয়া।
ডিজিটেল ডেস্ক-১৫ নৱেম্বৰ২০২৩ :
ইণ্ডিয়া ক্ৰিকেট দলে বুধবাৰে ৱাংখেড়ে ষ্টেডিয়ামত এদিনীয়া ক্ৰিকেট বিশ্বকাপ ২০২৩ ৰ ছেমিফাইনেলত নিউজীলেণ্ডক পৰাস্ত কৰাই নহয় ৪ বছৰ পূৰ্বৰ পৰাজয়ৰ যেন পোতক তুলিলে দল ইণ্ডিয়াই৷
২০১৯ বিশ্বকাপৰ ছেমি ফাইনেলত নিউজীলেণ্ডে পৰাস্ত কৰিছিল ভাৰতক ৷ বুধবাৰে ৰোহিত বাহিনীয়ে যেন তাৰেই যোগ্য প্ৰত্যুত্তৰ দিলে নিউজীলেণ্ডেক ।
৩৯৮ ৰাণৰ বৃহৎ লক্ষ্য বান্ধি দি কিৱি বাহিনীক ৭০ ৰাণৰ ব্যৱধানত পৰাস্ত কৰিলে টীম ইণ্ডিয়াই ৷
ৰোহিত-গিলৰ বিস্ফোৰক আৰম্ভণি কোহলী-শ্ৰেয়াসৰ দৰ্শনীয় শতকৰ সহায়ত ভাৰতে নিউজীলেণ্ডক নিৰ্ধাৰিত ৫০ অভাৰত জয়ৰ বাবে ৩৯৮ ৰাণৰ লক্ষ্য বান্ধি দিয়ে ৷
ৰাণ অনুসৰণ কৰিবলৈ আহি নিউজীলেণ্ডৰ দুই অপেনাৰ ডেভন কনৱে’ আৰু ৰাচিন ৰবীন্দ্ৰন ৩৯ ৰাণতে আউট হয় যদিও অধিনায়ক কেন উইলিয়ামচন আৰু মিচেলৰ যুটিয়ে ভাৰতীয় বলাৰক দিশহাৰা কৰি তোলে ৷ লাহে লাহে নিউজীলেণ্ডৰ স্ক’ৰ বাঢ়ি গ’ল আৰু খেলখন যেন ভাৰতৰ হাতৰ পৰা ওলাই গৈ থাকিল ৷ কিন্তু দুয়োগৰাকী বিস্ফোৰক বেটচমেনকে ২২০ ৰাণ হোৱাৰ সময়ত পেভিলিয়নৰ ৰাস্তা দেখুৱাই দিলে ভাৰতীয় দুৰ্দান্ত বলাৰ মহম্মদ ছামীয়ে ৷ কেনে ৬৯ আৰু মিচেলে ১৩৪ ৰ বিস্ফোৰক ইনিংছ খেলে ।
https://m.facebook.com/story.php?story_fbid=pfbid02Brdb5WyBibUWVT2zgXAaixFz5a6a1gLXtH49vCa8LLknfsAMXGtF9Z2pkUsXCYGil&id=100064649201164&mibextid=Nif5oz
টম লাথামেও কোনো ৰাণ নকৰাকৈয়ে আউট হয় ৷ ফিলিপে বিস্ফোৰক ৰূপ দাৰণ কৰিলেও বেছি সময় টিকিবলৈ নাপালে বুমৰাহৰ বলত বাউণ্ডৰীত এটা সুন্দৰ কেচ ধৰি জাডেজাই ফিলিপক ওভটাই পঠিয়ায় ৷ ছান্টনাৰ, ফাৰ্গুচনো বিফল হয় দলক জয়ী কৰোৱাত ৷ ৪৮.৫ অভাৰত ৩২৭ ৰাণ কৰি অল আউট হয় কিৱি বাহিনী ৷
ভাৰতীয় বলাৰে আজি বেছি ৰান খৰচ কৰিলেও ৰোহিত শৰ্মাৰ ভৰসাৱান হৈ উঠিল ছামী ৷ ছামীয়ে ৯.৫ অভাৰত ৫৮ টা খৰচ কৰি নিউজীলেণ্ডৰ ৭ টাকৈ উইকেট দখল কৰে ৷
এই দুৰ্দান্ত প্ৰদৰ্শনৰ বাবে ছামীক প্লেয়াৰ অৱ দ্য মেচ ঘোষণা কৰা হয় ৷ ছামীয়ে এই টুৰ্ণামেন্টত বৰ্তমানলৈকে ২৩ টা উইকেট দখল কৰিছে ৷
টছত জিকি প্ৰথমে বেটিঙৰ সিদ্ধান্ত লৈ ভাৰতে আৰম্ভণিৰ পৰাই অধিনায়ক ৰোহিত শৰ্মা আৰু শুভমন গীলৰ বিস্ফোৰক আৰম্ভণিৰ সহায়ত বিশাল স্কৰৰ দিশে আগবাঢ়ি যায় ৷ অধিনায়ক ৰোহিত শৰ্মাই ২৯ টা বলত ৪৭ ৰাণ সংগ্ৰহ কৰি পেভিলিয়নমুখী হোৱাৰ বিপৰীতে শুভমন গীলে আঘাটৰ বাবে কেলপথাৰ ত্যাগ কৰিব লগীয়া হয় ৷ অৱশ্যে সূৰ্যকুমাৰ যাদৱৰ উইকেটৰ পতনৰ পাছত পুনৰ ক্ৰীজলৈ আহি শুভমন গীলে ৬৬ টা বলত ৮০ ৰাণ সংগ্ৰহ কৰি অপৰাজিত হৈ থাকে ৷
ইফালে আজিৰ এই মেচতে তাৰকা খেলুৱৈ বিৰাট কোহলীয়ে গঢ়ে এক অনবদ্য অভিলেখ ৷ আজিৰ মেচখনত শতক অৰ্জন কৰি এদিনীয়া আন্তঃৰাষ্ট্ৰীয় ক্ৰিকেটত 50 টা শতক অৰ্জন কৰা খেলুৱৈত পৰিণত হয় কোহলী ৷ এই শতক অৰ্জনেৰে বিৰাট কোহলীয়ে মাষ্টাৰ ব্লাষ্টাৰ শচীন তেণ্ডুলকাৰৰ অভিলেখ ভংগ কৰে ৷ বিৰাট কোহলীয়ে ১১৩টা বলত ১১৭ ৰাণৰ এক বিস্ফোৰক ইনিংছ খেলে আৰু টীম চাউথীৰ বলত পেভিলিয়নমুখী হয় ৷ আনহাতে শ্ৰেয়াছ আয়াৰেও নিজৰ স্বাভাৱ সুলভ প্ৰদৰ্শনেৰে মাত্ৰ ৭০ টা বলতে ১০৫ ৰাণৰ এক দুৰ্দান্ত ইনিংছ খেলে ৷ কে এল ৰাহুলে ২০ টা বলত ৩৯ ৰাণ সংগ্ৰহ কৰি অপৰাজিত হৈ থাকে ৷
https://m.facebook.com/story.php?story_fbid=pfbid0Y8Vre6jrjzAVtvhdEgey129hx1c6jqPvAzASfseZdwCziesrSVncuLob7TBXJAHfl&id=100064649201164&mibextid=Nif5oz
নিউজীলেণ্ডৰ হৈ টীম চাউথীয়ে সাৰ্বাধিক ৩ টা উইকেট দখল কৰে ৷ ট্ৰেন্ট বৌল্টে দখল কৰে ১ টা উইকেট ৷