বিহাৰ বিধানসভা নিৰ্বাচনত শাসনাধিষ্ঠিত এন ডি এ মৰ্চা বিপুল সংখ্যাগৰিষ্ঠতাৰে পুনৰবাৰ শাসনলৈ অহাটো নিশ্চিত হৈছে। এই পর্যন্ত হোৱা ভোটগণনাত এন ডি এই ১০৯খন আসনত জয়লাভ কৰাৰ লগতে ৯৩খনত আগবাঢ়ি আছে। আৰ জে ডি নেতৃত্বাধীন মহামিত্ৰজোঁট যথেষ্ট পিচ পৰি আছে আৰু এতিয়ালৈকে ১৫খন আসনত জয়লাভ কৰাৰ লগতে ২০খনত আগবাঢ়ি আছে। অন্যান্যসকলে ৫ খন আসনত জয়লাভ কৰিছে আৰু এখন আসনত আগবাঢ়ি আছে। শেহতীয়া তথ্য অনুসৰি বিজেপিয়ে ৪৭খনত জয়লাভ কৰাৰ লগতে ৪৪খনত আগবাঢ়ি আছে। ইয়াৰ লগতে সহযোগী দল JDUয়ে ২৮খন আসন লাভ কৰাৰ লগতে ৫৫খনত অগ্ৰগতি লাভ কৰি আছে। এন ডি এৰ অন্যতম অংশীদাৰ LJPয়ে ৪খন আসন লাভ কৰিছে আৰু ১৫খনত আগবাঢ়ি আছে। HAM-এ এখনত জয়লাভ কৰাৰ লগতে চাৰিখন আসনত আগবাঢ়ি আছে।
RLM-এ ৪খন আসনত আগবাঢ়ি আছে। আনহাতে, RJDয়ে এখনত জয়লাভ কৰাৰ লগতে ২৫খনত আগবাঢ়ি আছে। কংগ্রেছে এখন আসন লাভ কৰিছে আৰু চাৰিখনত আগবাঢ়ি থকাৰ লগতে AIMIM-এ দুখন আসনত জয়লাভ কৰাৰ লগতে ৪খনত আগবাঢ়ি আছে।
