গুৱাহাটী বিশ্ববিদ্যালয়ৰ সকলো পৰীক্ষা স্থগিত, বিশ্ববিদ্যালয় ১১ মে’লৈকে বন্ধ

■ নিউজ ডেস্কঃ কামৰূপ মহানগৰ জিলাত কোভিড-১৯ ৰ ঘটনাৰ সংখ্যা ১,০০০ ৰ সীমা অতিক্ৰম কৰাৰ লগে লগে গুৱাহাটী বিশ্ববিদ্যালয়ে ১১ মে, ২০২১ লৈকে বিশ্ববিদ্যালয়খন বন্ধ ৰখা সন্দৰ্ভত অধ্যয়নৰত শিক্ষাৰ্থীসকলৰ বাবে এখন জাননীত প্ৰকাশ কৰিছে।

এই সময়ছোৱাত অনুষ্ঠিত হ’বলগীয়া সকলো পৰীক্ষা পিছুৱাই দিয়া হৈছে। গুৱাহাটী বিশ্ববিদ্যালয়ৰ নিয়ন্ত্ৰকে শীঘ্ৰেই পৰীক্ষা সম্পৰ্কে এখন বিতং জাননী জাৰি কৰিব।

২৬ এপ্ৰিলত গৌহাটি বিশ্ববিদ্যালয়ৰ পঞ্জীয়কে জাৰী কৰা চৰকাৰী অধিসূচনাত কোৱা হৈছে, “আদেশ নম্বৰ অনুসৰি সংশ্লিষ্ট সকলোৰে তথ্যৰ বাবে ইয়াক জাননী দিয়া হৈছে। ডিডিএমএ কে(এম20/2021/182-এ তাৰিখ 26.04.2021, গৌহাটি বিশ্ববিদ্যালয় ইয়াৰ দ্বাৰা ২৭ এপ্ৰিল ২০২১ ৰ পৰা ১১ মে’ ২০২১ লৈ বন্ধ ঘোষণা কৰা হৈছে।

গুৱাহাটী বিশ্ববিদ্যালয় আৰু ইয়াৰ অনুমোদিত মহাবিদ্যালয়/প্ৰতিষ্ঠানসমূহৰ সকলো পৰীক্ষাও ইয়াৰ দ্বাৰা পিছুৱাই দিয়া হয়। গুৱাহাটী বিশ্ববিদ্যালয়ৰ পৰীক্ষা নিয়ন্ত্ৰকয়ে অতি সোনকালেই পৰীক্ষাসম্পৰ্কে অন্য এক বিতং জাননী জাৰী কৰিব।”
বিশ্ববিদ্যালয়ৰ সকলো হোষ্টেল ২৭ এপ্ৰিল (মঙলবাৰে) ৰ পৰা ১১ মেলৈকে বন্ধ ঘোষণা কৰা হৈছে আৰু শিক্ষাৰ্থীসকলক যিমান সম্ভৱ সোনকালে হোষ্টেল খালী কৰিবলৈ কোৱা হৈছে।