বিধায়ক জিতু গোস্বামীৰ বাহনত গুলীচালনা কৰাৰ কাৰ্যক তীব্ৰ গৰিহণা অগপৰ

সাংবাদিকক মাৰপিট কৰা, ভয়-ভাবুকি দিয়া কাৰ্যৰ পৰা বিৰত থাকিবলৈ সকিয়নি

গুৱাহাটী, ১০ নৱেম্বৰঃ চামগুৰিত বিধায়ক জিতু গোস্বামীৰ বাহনত গুলীচালনা কৰাৰ কাৰ্যক অসম গণ পৰিষদ দলে নিন্দা কৰাৰ লগতে তীব্ৰ গৰিহণা দিছে৷ এই আক্ৰমণ কেৱল এজন জনপ্ৰতিনিধিৰ ওপৰত হোৱা আক্ৰমণেই নহয়, দেশৰ গণতান্ত্ৰিক প্ৰক্ৰিয়াৰ ওপৰত হোৱা আক্ৰমণ৷

এনে কাপুৰুষালি আৰু হিংসাত্মক কাৰ্যই সমাজখন অস্থিৰ কৰি ৰাখে৷ অসম গণ পৰিষদ দল সদায় শান্তিত বিশ্বাসী৷ গতিকে সমাজখন সুস্থিৰ হৈ থকাৰ স্বাৰ্থত দলে এই ঘটনাৰ ক্ষিপ্ৰ আৰু পুংখানুপুংখ তদন্তৰ দাবী জনাইছে আৰু দোষীসকলৰ বিৰুদ্ধে কঠোৰতম ব্যৱস্থা গ্ৰহণৰ বাবে আহ্বান জনাইছে৷

তদুপৰি সাংবাদিকক কৰা মাৰপিট আৰু তেওঁলোকক ভয়-ভাবুকি দিয়া কাৰ্যকো অগপ দলে তীব্ৰ গৰিহণা দিছে৷ অনাগত দিনত গণতন্ত্ৰৰ চতুৰ্থ স্তম্ভৰ ওপৰত আাঘাত নকৰিবলৈ অগপই সকিয়নি দিছে৷

অংশুমান দত্ত
তথ্য আৰু প্ৰচাৰ সম্পাদক
অসম গণ পৰিষদ