গুৱাহাটীঃ গুৱাহাটীৰ গড়চুকৰ কাষৰীয়া আহোমগাওঁস্থিত দিল্লী পাব্লিক স্কুলৰ উদ্যোগত ৮ আৰু ৯ নৱেম্বৰত দুদিনীয়া
কাৰ্যসূচীৰে চি বি এছ ইৰ আঞ্চলিক পৰ্যায়ৰ বিদ্যালয় প্রদর্শনীখন অনুষ্ঠিত হয়। প্ৰদৰ্শনীত গুৱাহাটী মণ্ডলৰ অধীনত কেইবাখনো বিদ্যালয়ৰ ছাত্ৰ-ছাত্ৰীৰ বিভিন্ন প্রকল্প প্ৰদৰ্শন কৰা হয়। ৯ নৱেম্বৰৰ বিয়লি অনুষ্ঠিত সামৰণী অনুষ্ঠানত মুখ্য অতিথি হিচাপে উপস্থিত থাকে অসম বিজ্ঞান আৰু প্রযুক্তি বিশ্ববিদ্যালয়ৰ উপাচার্য অধ্যাপক নৰেন্দ্ৰ এছ চৌধুৰী।
দুদিনীয়া এই অনুষ্ঠানৰ জৰিয়তে ছাত্র-ছাত্রী, শিক্ষাবিদ আৰু অভিভাৱকসকলক একত্ৰিত কৰি বৈজ্ঞানিক উদ্ভাৱনৰ পৰা আৰম্ভ কৰি বহনক্ষম পদ্ধতিলৈকে চিবিএছইৰ সৈতে জড়িত বিভিন্ন বিদ্যালয়ৰ ছাত্ৰ-ছাত্ৰীৰ প্ৰতিভা আৰু পৰিশ্ৰমৰ ওপৰত আলোকপাত কৰা হয়। উক্ত প্ৰদৰ্শনীৰ পৰা চি বি এছ ই দিল্লীৰ দ্বাৰা মনোনীত এক বিশেষ জুৰী দলৰ দ্বাৰা ৰাষ্ট্ৰীয় পৰ্যায়ত অংশগ্ৰহণৰ বাবে ষষ্ঠ শ্ৰেণীৰ পৰা অষ্টম শ্রেণীলৈ মুঠ পাঁচখন তথা নৱম শ্ৰেণীৰ পৰা একাদশ শ্ৰেণীলৈ মুঠ
৬ খন বিদ্যালয়ক নির্বাচিত কৰা হয়।
ষষ্ঠ শ্ৰেণীৰ পৰা অষ্টম শ্ৰেণীলৈ যোগ্যতা অৰ্জন কৰা এই বিদ্যালয়কেইখন হ’ল দিল্লী পাব্লিক স্কুল, গুৱাহাটী, দিল্লী পাব্লিক স্কুল, অ’এনজিচি, নাজিৰা, মহর্ষি বিদ্যা মন্দিৰ, ৰামকৃষ্ণ মিছন বিদ্যালয় আৰু আমি পাব্লিক স্কুল, শ্বিলং। একেদৰে নৱম শ্ৰেণীৰ পৰা একাদশ শ্ৰেণীলৈ যোগ্যতা অর্জন কৰা বিদ্যালয় কেইখন হ’ল- আর্মি পাব্লিক স্কুল, শ্বিলং, ছেইন্ট ফ্রান্সিছ ডে চেলচ হায়াৰ ছেকেণ্ডেৰী স্কুল, গুৱাহাটী ষ্টাৰ পাব্লিক স্কুল, আর্মি পাব্লিক স্কুল, নাৰেংগী, মাৰিয়া পাব্লিক স্কুল আৰু আর্মি পাব্লিক স্কুল, তেজপুৰ।
Leave a Reply