বিশ্বনাথৰ দিলীচাঙত শংকৰদেৱ শিশু নিকেতনৰ ভৱন নিৰ্মাণ কামৰ শুভাৰম্ভ ৷
অসম খবৰ , বিশ্বনাথৰ পৰা ৰমেশ চন্দ্ৰ চৰেণ , ৬ ফেব্ৰুৱাৰী ঃ বিশ্বনাথ জিলাৰ অসম অৰুণাচল সীমান্তৱৰ্তীৰ বৃহত্তৰ অঞ্চলটোৰ শৈক্ষিক দিশৰ প্ৰতি লক্ষ্য ৰাখি শংকৰদেৱৰ শিশু নিকেতন নামৰ বিদ্যালয় এখন প্ৰতিষ্ঠা কৰাৰ মানসেৰে কেইজনমান শিক্ষিত উদ্যমী যুৱকে বহুদিন ধৰি প্ৰচেষ্টা অব্যাহত ৰাখিছিল ৷ অৱশেষত বহুদিনীয়া আশা পুৰণ হল ৷ বালিচাঙৰ সমীপত থকা ১ নং দিলীচাঙত শংকৰদেৱ শিশু নিকেতন নামৰ বিদ্যালয় এখন নিৰ্মাণৰ কাম শুভাৰম্ভ কৰা হয় ৷ বিশ্বনাথ সমষ্টিৰ বিধায়ক প্ৰমোদ বৰঠাকুৰে উপস্থিত থাকি বিদ্যালয়খনৰ নিৰ্মাণৰ কাম আনুষ্ঠানিকভাবে শুভাৰম্ভ কৰে ৷ আৰু ছাত্ৰছাত্ৰীৰ সকলৰ শৈক্ষিক উত্তৰণত এই বিদ্যালয় খনে গুৰুত্বপুৰ্ণ ভুমিকা পালন কৰিব বুলি আশা প্ৰকাশ কৰে বিধায়ক গৰাকীয়ে ৷ অনুষ্ঠানটিত বালিচাং পঞ্চায়তৰ সভাপতি দীপালী দেৱী, আঞ্চলিক সদস্য বলেন বসুমতাৰী ,অৱসৰপ্ৰাপ্ত শিক্ষক ৰত্নেশ্বৰ মহন্ত , হৰি শৰ্মা , ক্ষেমৰাজ ছেত্ৰী কে ধৰি বিশিষ্ট সমাজসেৱক ডালিম বৰা প্ৰমুখ্যে বিদ্যালয়খনৰ নিৰ্মাণ সমিতিৰ বিষয়ববীয়া সদস্য সদস্যাৰ লগতে বালিচাং , ছেলাইখাতি , ধুলী , দলংগুৰিৰ বহু উদ্যমী যুৱক যুৱতী সকল উপস্থিত থাকে ৷বিশ্বনাথৰ পৰা ৰমেশ চন্দ্ৰ চৰেণ
