- পোন প্ৰথম বাৰলৈ বিহালীত সম জিলা উদ্যোগত গণৰাজ্য দিৱস উদযাপন
অসম খবৰ বিহালী ২৫ জানুৱাৰীঃ ২৬ জানুৱাৰী দিনটোত পৃথিৱীৰ সৰ্ববৃহৎ গণতান্ত্ৰিক দেশ ভাৰতবৰ্ষৰ ৭৬ সংখ্যক গণৰাজ্য দিৱস পালন হয়৷ দেশৰ প্ৰধানমন্ত্ৰীয়ে এই গুৰুত্বপূৰ্ণ দিনটোত দিল্লীৰ লালকিল্লাত জাতীয় পতাকা উত্তোলন কৰি দেশ তথা বিশ্ববাসীক সম্বোধন কৰাৰ ৰাজ্য সমুহতো উলহ-মালহৰে পালন কৰা হয় গণৰাজ্য দিৱস গুৰুত্বপূৰ্ণ যে, দেশ বৃট্ৰিছ শাসক গোষ্ঠীৰ ঔপনিৱেশিক শাসন ,শোষণ আৰু পৰাধীনতাৰ লো শিকলি উফৰাই ভাৰতবৰ্ষক ধৰ্ম নিৰপেক্ষ গনতান্ত্ৰিক দেশ হিচাপে স্বঘোষণা কৰা ভাৰতীয় সংবিধান গ্ৰহণৰ দিনটো সুঁৱৰি প্ৰতি বছৰে গণৰাজ্য দিৱস পালন কৰি অহাৰ দৰে এই বেলিও দেশত পালন কৰা হ’ব গণৰাজ্য দিৱস৷ সমান্তৰালভাৱে পোন প্ৰথম বাৰলৈ বিহালী বিধান সভা সমষ্টিত বিহালী সমজিলা প্ৰশাসনৰ উদ্যোগত কেন্দ্ৰীয় ভাৱে বৰগাঙস্থিত বিহালী স্নাতক মহাবিদ্যালয়ৰ খেল পথাৰত বৰ্ণাঢ্য কাৰ্যসূচীৰে গণৰাজ্য দিৱস চৰকাৰী ভাৱে অনুষ্ঠিত হ’ব৷
জানিব পৰামতে ইতিমধ্যে বিহালী সমজিলা আয়ুক্ত ধ্ৰুৱজ্যোতি দাস,সহআয়ুক্ত বিচিত্ৰা দাসকে ধৰি প্ৰশাসনিক বিষয়া-কৰ্মচাৰীয়ে সূচাৰু ৰূপে পৃথিৱীৰ সৰ্ববৃহৎ গণতান্ত্ৰিক দেশ ভাৰতবৰ্ষৰ গণৰাজ্য দিৱসটো উদযাপনৰ প্ৰতিটো দিশ নিখুঁটভাৱে পৰ্যালোচনা কৰি প্ৰস্তুতি সম্পূৰ্ণ কৰি তুলিছে৷ জানিব পৰামতে, গণৰাজ্য দিৱস উপলক্ষ্যে বিহালী সমজিলাৰ কাৰ্যালয়ত পুৱা ৭•৩০ বজাত পতাকা উত্তোলন কৰিব বিহালী সমজিলা আয়ুক্ত দীপ্তীৰেখা হাজৰিকা, বিহালী ৰেচম বিভাগৰ অতিথিশালাত বিহালী সমজিলাৰ সহআয়ুক্ত বিচিত্ৰা দাস৷আনহাতে পুৱা ৯ বজাত বিহালী স্নাতক মহাবিদ্যালয় খেল পথাৰত অনুষ্ঠিতৱ্য গণৰাজ্য দিৱসৰ পতাকা উত্তোলন কৰিব বিহালী সমজিলা আয়ুক্ত ধ্ৰুৱজ্যোতি দাসে৷ ইফালে গণৰাজ্য দিৱস লগত সংগতি ৰাখি বৰগাং বন বিভাগে ৰাইজক একোটাকৈ গছ পুলি বিতৰণ কৰে।
ইফালে কেন্দ্ৰীয় ভাৱে আয়োজন কৰা গণৰাজ্য দিৱস কাৰ্যসূচীত উপস্থিত থাকে শোণিতপুৰ লোক সভা সমষ্টিৰ সাংসদ ৰঞ্জিত দত্ত, বিহালী সমষ্টিৰ বিধায়ক দিগন্ত ঘাটোৱাকে ধৰি জিলা প্ৰশাসনৰ কেইবাজনো বিষয়া লগতে সমাজ সেৱকে ধৰি সমষ্টিতো শতাধিক লোক । ইফালে গছ পুলি বিতৰণ কাৰ্যসূচীত উপস্থিত থাকে বৰগাং বনাঞ্চলিক বিষয়াকে ধৰি বন কৰ্মী সকল।
