তেজপুৰৰ ১২বছৰীয়া কিশোৰৰ হাতৰ যাদু:
দশভূজাৰ মৃন্ময় প্ৰতিমা সাজি কৰিব পূজা
তেজপুৰৰ মধ্যপাৰা নিবাসী তথা চেক্ৰেড হাৰ্ট স্কুলৰ সপ্তম শ্ৰেণীৰ ছাত্ৰ আয়ন কুণ্ডুৰ হাতৰ পৰশত গঢ় লৈ উঠিছে দেৱী দুৰ্গাৰ অনন্য সুন্দৰ প্ৰতিমা৷ ১২বছৰীয়া আয়নে পঞ্চম শ্ৰেণীত পঢ়ি থকা সময়ত প্ৰথম বাৰলৈ দুৰ্গা প্ৰতিমা নিৰ্মানৰ বাবে আগ্ৰহ প্ৰকাশ কৰে৷পুত্ৰৰ এই আগ্ৰহৰ বাবে পিতৃ মাতৃয়ে সহাৰি জনো্ৱাত স্বতঃস্ফূৰ্ত ভাবেই আয়নে গঢ়ি তোলে দেবী দুৰ্গাৰ মৃন্ময় প্ৰতিমা৷এজন সুনিপুন খনিকৰৰ দৰেই দশভূজাৰ লগতে গণেশ,সৰস্বতী,কাৰ্তিক,লক্ষ্মী,সিংহ,ময়ুৰ,ৰাজহংস আদিৰ মৃন্ময় প্ৰতিমা গঢ় দিয়া আয়নে যোৱা ১৫আগষ্টৰ পৰা এইবাৰ প্ৰতিমা নিৰ্মানৰ কাম আৰম্ভ কৰে৷দুদিন পূৰ্বে এই মুৰ্তিত ৰং সনা কাম সমাপ্ত কৰি শনিবাৰে বস্ত্ৰ পৰিধান কৰাই প্ৰতিমাত৷এতিয়া এই প্ৰতিমাৰেই কিশোৰজনে নিজা বাসগৃহতে কৰিব দুৰ্গা পূজা৷উল্লেখযোগ্য যে, অঞ্চলটোৰ কিশোৰ কিশোৰী সকলে মিলি সপ্তমীত মহিষাসুৰমৰ্দিনীৰ প্ৰতিমা বেদীত স্হাপন কৰি আয়নে আৰম্ভ কৰিব দুৰ্গতিনাশিনীৰ শাৰদীয় পূজা৷
