প্ৰায় ১৪০০ কিলোমিটাৰ দূৰত্ব অতিক্ৰম কৰি ৮ দিনত উত্তৰ-পূৰ্বাঞ্চলৰ ৭ খন ৰাজ্যত ৭৫ জন আৰোহীয়ে ভ্ৰমণ কৰিব।
- দেশৰ যুৱপ্ৰজন্মৰ বাবে জীৱনৰ সকলো ক্ষেত্ৰতনেতা হোৱাৰ বাবে এক সংগীত ‘নিকল পৰে ‘ গানৰ শুভাৰম্ভ
নতুন দিল্লী, ১৩ জানুৱাৰী,
উত্তৰ-পূব ভাৰতৰ সুন্দৰ আৰু সমৃদ্ধ জৈৱ বৈচিত্ৰ্য প্ৰদৰ্শনৰ বাবে উদ্যোগ গ্ৰহণ কৰিছে। নতুন দিল্লীত বৃহস্পতিবাৰে নৰ্থ ইষ্ট অন হুইলছ নামৰ নতুন অভিযানৰ সূচনা কৰা হয় l
ভাৰত চৰকাৰৰ সংস্কৃতি আৰু বৈদেশিক পৰিক্ৰমা ৰাজ্যিক মীনাক্ষী লেখিয়ে বৃহস্পতিবাৰে গণ্যমান্য ব্যক্তিৰ উপস্থিতিত আনুষ্ঠানিক ভাৱে অনুষ্ঠানটো মুকলি শুভ উদ্বোধন কৰে।
উক্ত অনুষ্ঠানত অতিথি ৰূপে উপস্থিত থাকে আশীষ কুমাৰ চৌহান, বম্বে ষ্টক এক্সচেঞ্জৰ এমডি আৰু চিইঅ’ যি।
‘আজাদী কা অমৃত মহোৎসৱ’ উপলক্ষে সমগ্ৰ ভাৰতৰ ৭৫ জন বাইক আৰোহী এই যাত্ৰাৰ অংশ হ’ব যিটো আমেজিং নমস্তে ফাউণ্ডেচনৰ দ্বাৰা আয়োজিত।
২০২২ চনৰ ৮ এপ্ৰিলত অসমৰ গুৱাহাটীৰ পৰা ফ্লেগ অফ কৰিবলৈ সাজু হোৱা এই অভিযানত ৰাইডাৰ সকলে অংশগ্ৰহণ কৰিব।
সমগ্ৰ ভাৰতৰ পৰা যি ৮ দিনৰ ব্যৱধানত উত্তৰ-পূৰ্বাঞ্চলৰ ৭ খন ৰাজ্যত প্ৰায় ১৪০০ কিলোমিটাৰ দূৰত্ব অতিক্ৰম কৰিব। তেওঁলোকৰ অভিযানত আৰোহীসকলে উত্তৰ-পূবৰ জীৱন্ত আৰু সমৃদ্ধ সংস্কৃতি, তেওঁলোকৰ সৰল জীৱন, তেওঁলোকৰ খাদ্যা ভ্যাস আৰু বহুতো অভিজ্ঞতা লাভ কৰিব।
তেওঁলোকৰ পদক্ষেপৰ বিষয়ে ক’বলৈ গৈ, অনুষ্ঠানটোৰ আয়োজক আমেজিং নমস্তে ফাউণ্ডেচনৰ অধ্যক্ষ অতুল কুলকাৰ্ণীয়ে কয়,
“উত্তৰ পূৰ্বাঞ্চল মোৰ হৃদয়ৰ অতি ওচৰত আৰু প্ৰতিখন ৰাজ্য কেনেকৈ আনখনৰাজ্যতকৈ সম্পূৰ্ণ পৃথক সেই বিষয়ে মোক সদায় আচৰিত কৰি আহিছে ,এইটো অঞ্চলটোৰ এই সৌন্দৰ্য যিটো আমি সকলোৱে অনুভৱ কৰাৰ সুযোগ পাব লাগিব আৰু সেয়েহে আমি নৰ্থ ইষ্ট অন হুইলছৰ ধাৰণা কৰিছো।
আমি নিশ্চিত যে বহুতে উত্তৰ-পূব অঞ্চলক আৰু অধিক অন্বেষণ কৰাৰ এই অভিযানত আমাৰ সৈতে যোগ দিব বিচাৰে।
নৰ্থ ইষ্ট অন হুইলছৰ জৰিয়তে আমাৰ প্ৰয়াস হৈছে আমাৰ সৈতে এই যাত্ৰা কৰা লোকসকলক জীৱনজোৰা অভিজ্ঞতা প্ৰদান কৰা।“
উদ্বোধনৰ সময়ত, অভিযানৰ বাবে পঞ্জীয়ন মুকলি ঘোষণা কৰাৰ সৈতে নৰ্থ ইষ্ট অন হুইলছৰ ৱেবছাইট উদ্বোধন কৰা হয় l
পঞ্জীয়ন কৰা সকলোৰে ভিতৰত, যাত্ৰাৰ বাবে জুৰী সদস্যৰ এটা দলে মাত্ৰ ৭৫ জন আৰোহীক বাছনি কৰিব।
নৰ্থ ইষ্ট অন হুইলচ কেৱল কোনো অভিযান নহয় কিন্তু তেওঁলোকৰ জীৱন শেহৰ শিকিবলৈ আৰু জীয়াই থাকিবলৈ উত্তৰ-পূব ভাৰতজুৰি যাত্ৰা।
উত্তৰ-পূৰ্বাঞ্চলত আগবঢ়াবলৈ বহুত আছে কিন্তু কেইটামান বিশিষ্ট স্থান আৰু পৰম্পৰাক বাদ দি, বহুতে আন বস্তুৰ বিষয়ে অজ্ঞাত l
এই উদ্যোগৰ ওপৰত মন্তব্য কৰি কয় মীনাক্ষী লেখি ,ভাৰত চৰকাৰৰ সংস্কৃতি আৰু বৈদেশিক পৰিক্ৰমা ৰাজ্যিক মন্ত্ৰীগৰাকীয়ে কয়, “উত্তৰ-পূৰ্বাঞ্চলৰ এক সমৃদ্ধ সাংস্কৃতিক ঐতিহ্য আছে আৰু ই প্ৰতিভাৰ ভঁৰাল।
প্ৰকৃতিৰ সৈতে সামঞ্জস্য ৰাখি বাস কৰা লোকসকলৰ ই এক সৰ্বশ্ৰেষ্ঠ উদাহৰণ l
মই নিশ্চিত যে নৰ্থ ইষ্ট অন হুইলছে অঞ্চলটোৱে আগবঢ়োৱা সকলোবোৰ অন্বেষণ কৰাত সহায় কৰিব।”
মুকলি কাৰ্যসূচীত, ‘নিকল পৰে’ অৰ্থাৎ ‘ছেট আউট/ভেঞ্চাৰ’ নামৰ এটা গানও মুকলি কৰা হৈছিল যিয়ে যুৱ ভাৰতৰ প্ৰকৃত আত্মাক ধৰি ৰাখে। গানটো তানিষ্ক নাবৰৰ দ্বাৰা লিখা হৈছে, সুগন্ধ শেখৰ, যদু কৃষ্ণন, অৰুণ.এছ., দিব্যা.এছ.আয়াৰে গানটো গাইছে ; অৰুণৰ সংগীত। সংগীত প্ৰযোজক- ভি.এ.ভি.এ.ই. ; অতিৰিক্ত প্ৰগ্ৰামাৰ- যশ পাগাৰে; ভোকেল এৰেঞ্জাৰ আৰু চুপাৰভাইজাৰ-দিব্যা.এছ.আয়াৰ; ফ্লুটিষ্ট- কিৰণ বাৰাল আৰু মিক্স আৰু মাষ্টাৰ-ভি.এ.ভি.এ.ই. l
‘নিকল পৰে ‘ৰ আঁৰৰ মূল ধাৰণাটো হ’ল এটা থীম গান সৃষ্টি কৰা যিয়ে যুৱ প্ৰজন্মৰ শক্তিৰ প্ৰতিধ্বনি কৰে আৰু তেওঁলোকক জীৱনৰ সকলো ক্ষেত্ৰত মশাল বাহক হ’বলৈ উৎসাহিত কৰে আৰু ভাৰতক এক উন্নত স্থান আৰু গোলকীয় নেতা কৰি তোলে।
