বিভিন্ন স্থানৰ চৰ অঞ্চলত শিক্ষকতা কৰা শিক্ষয়িত্ৰীসকলক গৃহ জিলালৈ বদলিৰ সিদ্ধান্ত
▶️ধুবুৰী, দক্ষিণ শালমৰাকে ধৰি ৰাজ্যৰ বিভিন্ন স্থানৰ চৰ অঞ্চলত শিক্ষকতা কৰি থকা শিক্ষয়িত্ৰীসকলক ৰাজ্য চৰকাৰে গৃহ জিলালৈ বদলিৰ সিদ্ধান্ত গ্ৰহণ কৰিছে।
▶️৫ বছৰ শিক্ষকতা সম্পূৰ্ণ কৰা শিক্ষয়িত্ৰীসকলক গৃহ জিলা অথবা গৃহ জিলাৰ সমীপৰ আন এখন জিলালৈ বদলি কৰা হ’ব।
▶️মুখ্যমন্ত্ৰী ড° হিমন্ত বিশ্ব শৰ্মাৰ অধ্যক্ষতাত লোকসেৱা ভৱনত অনুষ্ঠিত অসম মন্ত্ৰীসভাৰ এখন বৈঠকত এই সিদ্ধান্ত গ্ৰহণ।
▶️সমগ্ৰ শিক্ষা অভিযানৰ অধীনত পূৰ্বৰ ৫ বছৰৰ পৰিৱৰ্তে ৩ বছৰ সেৱা সম্পূৰ্ণ কৰা শিক্ষকসকলক চৰকাৰী শিক্ষক হিচাপে নিয়মীয়াকৰণত অসম মন্ত্রীসভাৰ অনুমোদন।
চৰকাৰী বিদ্যালয়ত অধ্যয়নৰত নৱম শ্ৰেণীৰ শিক্ষাৰ্থীৰ মাজত বিতৰণৰ বাবে চাইকেল ক্রয়ত অনুমোদন
▶️স্নাতক প্ৰথম বৰ্ষৰ পাঠ্যক্ৰমত নামভৰ্তি কৰা শিক্ষাৰ্থীৰ নামভৰ্তিৰ মাচুল পৰিশোধৰ বাবে প্ৰজ্ঞান ভাৰতী আঁচনিৰ অধীনত ১২৬ কোটি ৯৭ লাখ টকাৰ বিত্তীয় আৱণ্টন।
▶️ৰাষ্ট্ৰীয় পেন্সন আঁচনিৰ অধীনত সামৰি লোৱা ৰাজ্যিক কৰ্মচাৰীৰ বাবে ইউনিফাইড পেন্সন আঁচনি প্ৰৱৰ্তনত অনুমোদন।
▶️অসম ৰাজ্যিক গ্ৰামীণ জীৱিকা অভিযানৰ ১০ হাজাৰ ১৮৬ গৰাকী সামূহিক কেডাৰক অৰুণোদয় তৃতীয় পৰ্যায়ৰ আঁচনি অধীনত হিতাধিকাৰী হিচাপে অন্তৰ্ভুক্তিত অনুমোদন।
