কথা সাগৰফেনা
কুহুমীয়া পানীৰ জুৰিটিত
এমুঠি ডৰিকণাই বগুৱা বাই
আকাশৰ মূধচলৈ উঠে,
কুৰুকি কুৰুকি শিলৰ বুকুবোৰ খাই
জুৰিলৈ সাগৰখন বোৱাই আনে।
জলকুঁৱৰীয়ে কথা কয় ঢৌবোৰৰ।
ভৰিৰ পতাত ঢৌবোৰ মাছ,
পিছে ঢৌবোৰ কান্ধলৈ বেগাই উঠিলে
জলকুঁৱৰীও মৰে,
দূৰৈৰ বনত ফেউৰাই ৰাউচি জুৰে।
বুকুৰ ছটত শেলুৱৈ বহিলে
কল্পনা বিষাদ হয়,
বুঢ়ীমাইৰ আখলত
বালিঘৰবোৰ কুঁচিমুচি বহে !
বিম্বাশৱদে সাগৰফেনাৰ সাধুটো
নামি নাহে মানে…
ড° উত্তম বৰুৱা
অধ্যাপক শিৱসাগৰ মহাবিদ্যালয়