দেৱজিত বৰাঃ বুনিয়াদ মিউজিকেল প্ৰডাকচনৰ বেনাৰত নিৰ্মিত আৰু অৰ্পণা বড়াৰ দ্বাৰা প্ৰযোজিত এটি মনপৰশা আধুনিক গীত জনপ্ৰিয় কণ্ঠশিল্পী পৰিস্মিতা ফুকনৰ কণ্ঠত কাতি বিহুৰ দিনা মুক্তি লাভ কৰে ৷ ‘তোমাৰ গানে’ শীৰ্ষক গীতটিৰ কথা অসমৰ অন্যতম এগৰাকী জনপ্ৰিয় কবি, গীতিকাৰ তথা চিন্তাশীল লেখক ভূষণজ্যোতি সন্দিকৈৰ৷ গীতটিৰ সুৰ কৰিছে ‘অসমীয়া প্ৰতিদিন’ কাকতৰ জ্যেষ্ঠ সহকাৰী সম্পাদক তথা অসমৰ এগৰাকী প্ৰসিদ্ধ গীতিকাৰ, সুৰকাৰ মণি মহন্তই।দেৱজিত বৰাৰ পৰিকল্পনাৰে গীতটিৰ সংগীত ব্যৱস্থাপনা কৰিছে লক্ষ্যজিত বৰুৱাই।
গীতটিৰ প্ৰচ্ছদ আৰু লিৰিকেল ভিডিঅ’ প্ৰস্তুত কৰিছে পাৰ্থ জিৎ হীৰাই৷ ডিব্ৰুগড়ৰ বকুলত অৱস্থিত বান্ধৈ কৃষি পামত কাতি বিহুৰ সন্ধিয়া এক গাম্ভীৰ্যপূৰ্ণ পৰিৱেশত গীতটি শুভ উন্মোচন কৰে আকাশবাণীৰ স্বীকৃতিপ্ৰাপ্ত বিহুগীতৰ শিল্পী তথা গীতিকাৰ-সুৰকাৰ ভুবন গগৈয়ে৷ উন্মোচনী অনুষ্ঠানটোত উপস্থিত থাকে ডিব্ৰুগড়ৰ জ্যেষ্ঠ সাংবাদিক ইকবাল আহমেদ, সাংবাদিক ললিত শৰ্মা, লেখক-অধ্যাপক ডঃ লোহিত শইকীয়া, সাংস্কৃতিক কৰ্মী ৰঞ্জন গগৈ, বিহুৱা জিতেন দাস, ভূষণজ্যোতি সন্দিকৈ, আদিত্য শইকীয়াকে ধৰি স্থানীয় গণ্য মান্য ব্যক্তিসকল৷ আনহাতে সংবাদ মাধ্যমৰ আগত গীতটিৰ সম্পৰ্কত নিজৰ অভিমত দাঙি ধৰে কবি তথা চিন্তাশীল স্তম্ভ লেখক চামচুল বাৰিক, যুৱ প্ৰজন্মৰ নৱাগতা জনপ্ৰিয় কণ্ঠশিল্পী প্ৰীতিৰাণী বৰগোহাঁই, গীতটিৰ কণ্ঠশিল্পী পৰিস্মিতা ফুকন আৰু সংগীত ব্যৱস্থাপক লক্ষ্যজিত বৰুৱাই৷ গীতটি ইউটিউবত বুনিয়াদ মিউজিকেল প্ৰডাকচন যোগে সংগীত প্ৰেমী শ্ৰোতা-দৰ্শকৰ বাবে বৰ্তমান উপলব্ধ৷
