তেজপুৰ,১৮নৱেম্বৰ: বৃহস্পতিবাৰে ভাৰতীয় বায়ু সেনাৰ এমআই-১৭ হেলিকপ্টাৰ ( Mi 17 helicopter ) এখন দুৰ্ঘটনাগ্ৰস্ত হয় ৷ পূৱ অৰুণাচল প্ৰদেশৰ আঞ্জাও জিলাৰ ৰোচহাম নামৰ হেলিপেডত দুৰ্ঘটনাগ্ৰস্ত হোৱা হেলিকপ্টাৰখনৰ সৈতে দুজন পাইলট আৰু তিনিজন ক্ৰু সদস্য আছিল বুলি জানিব পৰা গৈছে ।
ঘটনা সংঘটিত হোৱাৰ পিছত সকলো ক্ৰু সদস্য আৰু পাইলট সুৰক্ষিত অৱস্থাত আছে । সকলোকে হায়ুলুং লৈ স্থানান্তৰ কৰা হৈছে ।
জানিব পৰা মতে, এই ঘটনাটো সংঘটিত হোৱাৰ সময়ত হেলিকপ্টাৰ খনে অঞ্চলটোত এটা বায়ু ৰক্ষণাবেক্ষণ অভিযান চলাই আছিল । আৰু লগত সেনাৰ ৰছড পাতিও কঢ়িয়াই নিছিল ।
জানিব পৰা মতে , ঘটনাটোৰ প্ৰকৃত কাৰণ এই বাতৰি প্ৰেৰণ কৰা সময়লৈকে জানিব পৰা হোৱা নাই । উল্লেখযোগ্য যে অৰুণাচল প্ৰদেশৰ পূব প্ৰান্তত বায়ুসেনাৰ বিমান বহু বাৰ দুর্ঘটনগ্ৰস্ত হৈছে , কিন্তু Mi17 হেলিকপ্টাৰ দুর্ঘটনগ্ৰস্ত এইয়া প্ৰথম বাৰ ।
Leave a Reply