নাজিৰাৰ এসময়ৰ আছু তথা অসম আন্দোলনৰ সদ্য নেতা প্ৰয়াত পুতুল নেওগৰ আজি নাজিৰাস্থিত বাসগৃহত আদ্যশ্ৰাদ্ধ

♦শিৱসাগৰ জিলাৰ নাজিৰাৰ বাহঁগড়া নিবাসী ডিআৰ ডি এৰ কৰ্মচাৰী একালৰ আছু তথা অসম আন্দোলনৰ সময়ছোৱাত কাৰাবাস খোৱা নাজিৰাৰ আগশাৰী নেতা, সদ্য প্ৰয়াত পুতুল নেওগৰ আজি নাজিৰাস্থিত বাসগৃহত আদ্যশ্ৰাদ্ধ

স্থানীয় ৰাইজৰ উদ্যোগত কভিদ প্ৰটকল মানি প্ৰয়াত নেতা জনৰ ‘স্মৃতি চাৰণ আৰু স্মাৰক গ্ৰন্থ উন্মোচনী’ সভা অনুষ্ঠিত হয়৷ বিশিষ্ট গল্পকাৰ, প্ৰবীণ সাংবাদিক নাজিৰা প্ৰেছ ক্লাবৰ সভাপতি বুলু চেতিয়াই সম্পাদনা কৰা ‘এপলক চকুলোৰে’ নামেৰে স্মাৰক গ্ৰন্থ খন উন্মোচন কৰে শিৱসাগৰ জিলা সাহিত্য সভাৰ সভাপতি যোগ গগৈয়ে, গ্ৰন্থ খন উন্মোচন কৰি গগৈয়ে প্ৰয়াত নেওগৰ বৰ্ণিল সংগ্ৰামী জীৱনৰ ওপৰত বক্তব্য আগবঢ়াবই৷

পলদ্বীপ নেওগে আঁতধৰা অনুষ্ঠানটিত বুলু চেতিয়া, জাতীয়তাবাদী যুৱ-ছাত্ৰ পৰিষদৰ শিৱসাগৰ জিলা সমিতিৰ সভাপতি উৎপল কোঁৱৰ, সাংবাদিক দ্বীপজ্যোতি বৰগোঁহাই, নাজিৰা মহকুমা ছাত্ৰ সন্থাৰ সভাপতি দেৱজিৎ গগৈ আদিয়ে পুতুল নেওগৰ জীৱন পৰিক্ৰমাৰ ওপৰত আলোকপাত কৰে৷

স্মাৰক গ্ৰন্থ খনিত অসমৰ খ্যাতনামা শিল্পী মহেন্দ্ৰ হাজৰিকাকে ধৰি বহু ব্যক্তিয়ে লিখনি আগবঢ়াইছে৷ আজিৰ স্মৃতি চাৰণ সভাত যুৱ-ছাত্ৰ পৰিষদৰ কেন্দ্ৰীয় নেতা কুল প্ৰসাদ শইকীয়া, পলাশ কোঁৱৰ, নাজিৰা মহকুমা প্ৰাথমিক শিক্ষক সন্মিলনীৰ সহকাৰী সম্পাদক সঞ্জীৱ নেওগকে প্ৰমুখ্য কৰি বহু ব্যক্তি উপস্থিত থাকে৷

প্ৰয়াত নেওগৰ পত্নী অপৰাজিতা নেওগ, পুত্ৰ কৌশিষ আৰু কন্যা প্লালাৱিতাই আজিৰ অনুষ্ঠানটি সুকলমে অনুষ্ঠিত হোৱা বাবে সকলোৰে প্ৰতি কৃতজ্ঞতা জ্ঞাপন কৰে৷