কৃষ্ণাইত দুধনৈৰ নৱ নিৰ্বাচিত বিধায়ক যাদৱ স্বৰ্গীয়াৰীঃ ব্লক কংগ্ৰেছ কাৰ্যালয়ত সম্বৰ্ধনা

◊কৃষ্ণাইৰ পৰা কন্দৰ্প কুমাৰ দেৱ নাথঃ বিধায়ক হিচাপে নিৰ্বাচিত হোৱাৰ দুদিন পিছতে আজি কৃষ্ণাইত আহি পদাৰ্পণ কৰে ৩৬ নং দুধনৈ (জনজাতি) বিধান সভা সমষ্টিৰ কংগ্ৰেছী বিধায়ক যাদৱ স্বৰ্গীয়াৰী৷ আজি আবেলি প্ৰায় ৫ বজাত কৃষ্ণাইত আহি উপস্থিত হয় নৱ নিৰ্বাচিত বিধায়ক যাদৱ স্বৰ্গীয়াৰী৷ কৃষ্ণাইত আহি উপস্থিত হোৱাৰ পিছতে কংগ্ৰেছ দলৰ স্থানীয় নেতা কৰ্মী সকলে কোভিড প্ৰট’কল অনুসৰি কৃষ্ণাই ব্লক কংগ্ৰেছ কমিটীৰ কাৰ্য়ালয়ত তেওঁক আনুষ্ঠানিক ভাৱে সম্বৰ্ধনা জনায়৷ উল্লেখ্য যে এইবাৰ বিধান সভা নিৰ্বাচনত যাদৱ স্বৰ্গীয়াৰীয়ে মুঠ ৯৩২ টা ভোটৰ ব্যৱধানত পৰাজিত কৰে বিজেপিৰ প্ৰাৰ্থী শ্যামজিৎ ৰাভাক৷ প্ৰণিধানযোগ্য যে, কংগ্ৰেছ মহাজোঁটৰ প্ৰাৰ্থী যাদৱ স্বৰ্গীয়াৰীয়ে ৭,৭৩৮৪ টা ভোট লাভ কৰাৰ বিপৰীতে বিজেপিৰ প্ৰাৰ্থী শ্যামজিৎ ৰাভাই লাভ কৰে ৭৬৪৫২ টা ভোট লাভ কৰে৷