বাঘমৰী ব্ৰহ্মপুত্ৰ চাপৰি কৃষক সমবায় সমিতি গঠন

বাঘমৰী ব্ৰহ্মপুত্ৰ চাপৰি কৃষক সমবায় সমিতি গঠন

,বিশ্বনাথ চাৰিআলি ১৬ অক্টোবৰ :- বিহালী সমষ্টিৰ বাঘমৰী নৰ্থ ইষ্ট হোটেল প্ৰাংগণত তিনি শতাধিক বিহালী সমষ্টিৰ কৃষকৰ উপস্থিতিত আজি এখন ৰাজহুৱা সভা অনুষ্ঠিত হয় । বাঘমাৰীৰ বিশিষ্ট কৃষক প্ৰদীপ বৰাৰ সভাপতিত্ব অনুষ্ঠিত হোৱা সভা খনৰ আতঁ ধৰে স্থানীয় যুৱক তথা কৃষক গণেশ বৰ্মণে।এই সভাত বিহালী সমষ্টিৰ বাঘমৰীৰ লগতে ৰাংছালী, বিহমাৰী, বৰগাং আদিকে ধৰি বিহালী সমষ্টিৰ বিভিন্ন অঞ্চলৰ কৃষক উপস্থিত হৈ আগন্তুক ৰবী শস্যৰ জড়িয়তে এক সেউজ বিপ্লৱ গঢ়া চিন্তা চৰ্চা কৰে কৃষক সকলে। সমষ্টিটোৰ কৃষক সকল এক গোটহৈ এখনি সমবায় সমিতি গঠন কৰাৰ সিদ্ধান্ত গ্ৰহণ কৰি এখনি সমবায় সমিতি গঠন কৰে স্থানীয় কৃষক সকলে‌।এই সমবায় সমিতিৰ জড়িয়তে ব্ৰহ্মপুত্ৰ চাপৰিকে আদি কৰি বিভিন্ন স্থানত বিভিন্ন খেতি কৰা সংকল্প গ্ৰহণ কৰে কৃষক সকলে।আনহাতে সভাত উপস্থিত থকা জ্যেষ্ঠ সাংবাদিক ভুৱন লুইটেলে কয় আমি যদি কৃষি বিভাগৰ পৰামৰ্শ অনুসৰি বিভিন্ন খেতি কৰা হয় তেন্তে বহু পৰিমাণে স্থানীয় কৃষক সকল লাভবান হ’ব বুলি প্ৰকাশ কৰে।আনহাতে সভাত উপস্থিত থকা সাংবাদিক শ্ৰীমন্ত দাসে নিজৰ মন্তব্যত প্ৰকাশ কৰি কয় যে পথাৰো আমাৰ বজাৰো আমাৰ। যদি আমি পথাৰ ভালকৈ ব্যৱহাৰ কৰোঁ নিশ্চয় বজাৰো আমাৰ হাতত থাকিব বুলি উল্লেখ কৰাৰ লগতে কৃষি বিপ্লৱৰ জড়িয়তে বহু নিবনুৱা সমস্যা সমাধান হ’ব বুলি উল্লেখ কৰে।আনহাতে সভাৰ শেষত আৰবি কুমাৰক সভাপতি আৰু গণেশ বৰ্মণক সম্পাদক , ভুৱন লুইটেলক উপদেষ্টা , জ্যেষ্ঠ সাংবাদিক দিগন্ত শইকীয়া  উপদেষ্টা,প্ৰদীপ বৰাক উপ সভাপতি, সহকাৰী সম্পাদক ৰাজেক আলিক,উপ সভাপতি ম:লাল বাদশ্বা, উপদেষ্টা ম:একাবৰ আলিক, সাংবাদিক ত্ৰিদিপ দাস,পলাস প্ৰিয়মক লৈ ৫১ জনীয়া এখনি সবল সমবায় সমিতি কমিটি গঠন কৰে ।