♦কৃষ্ণাইৰ পৰা কন্দৰ্প কুমাৰ দেৱ নাথঃগোৱালপাৰা জিলাৰ মৰনৈৰ কাষৰীয়া লালাবৰি চৌধুৰীপাৰাত অহা ১৭ আৰু ১৮ মাৰ্চত দুদিনীয়া কাৰ্যসূচীৰে ৮ম বাৰ্ষিক ৰাজহুৱা পালনাম মহোৎসৱৰ আয়োজন কৰা হৈছে ৷
এই উপলক্ষে যোগেশ ৰায়ক সভাপতি আৰু পংকজ ৰায়ক সম্পাদক হিচাপে লৈ এখন শক্তিশালী পালনাম উদযাপন সমিতি
গঠন কৰা হৈছে ৷ কাৰ্যসূচী অনুসৰি ১৭ মাৰ্চৰ পুৱা ৮ বজাত চাফাই অভিযান আৰু ১১.৩০ বজাত ধৰ্মীয় ধ্বজা উত্তোলন ৷ উত্তোলন কৰিব পালনাম পৰিচালনা সমিতিৰ সভাপতি যোগেশ ৰায়ে ৷
১২.৩০ বজাত পালনাম মহোৎসৱৰ দ্বাৰ মুকলি কৰিব জ্যোৎস্না কান্ত চৌধুৰীয়ে ৷ ৩ বজাত ভাগৱত পৰিভ্ৰমণ ৷ ৫:৩০ বজাত ভকত আদৰণি,ভাগৱত আদৰণি,সন্ধিয়াৰ প্ৰসংগ,নিজ নিজ পদূলি আৰু জগন্নাথ মন্দিৰত বন্তি প্ৰজ্বলন ৷ দ্বিতীয় দিনা ১৮ মাৰ্চৰ ব্ৰহ্মমুহূৰ্তত ভাগৱত স্থাপন,ভাগৱত অৰ্চনা আৰু পুৱাৰ প্ৰসংগ ৷ মূল পাঠক হিচাপে উপস্থিত থাকিব চক্ৰধৰ নাথ ৷ পুৱা ১০:৩০ বজাত আমন্ত্ৰিত আই সকলৰ দ্বাৰা বহা নাম পৰিবেশন ৷
দুপৰীয়া ১২ বজাৰ পৰা আমন্ত্ৰিত নাম দলৰ দ্বাৰা থিয় নাম পৰিবেশন ৷ সন্ধিয়া ৫:৩০ বজাত পালনাম সামৰণি প্ৰসংগ আৰু প্ৰসাদ বিতৰণ কৰা হব৷ অনুষ্ঠানত অখণ্ড ভাগৱতৰ দায়িত্বত আছে ভূপেন নাথ,লোহিত নাথ আৰু দেউৰীৰ দায়িত্বত থাকিব কন্দৰ্প ৰায় আৰু বাণেশ্বৰ ৰায় ৷
