বিশ্বনাথৰ অসম-অৰুণাচল সীমান্তত উত্তেজনা
অসমৰ ভূমিত ঘৰ সজাৰ চেষ্টা অৰুণাচলীৰ
বিহালী ১৬ চেপ্টেম্বৰঃ যিসয়মত মুখ্যমন্ত্ৰী ড° হিমন্তবিশ্ব শৰ্মাৰ নেতৃত্বত অসম-অৰুণাচল সীমান্তৰ আন্তঃৰাজ্যিক সীমা সমস্যা সমাধানৰ আঁচনি হাতত লৈছে সেইসময়তে পুৱ শোণিতপুৰ বন সংমণ্ডল অধীনৰ বিশ্বনাথৰ অসম- অৰুণাচল সীমান্তৱৰ্তী অসমৰ মাটি দখল কৰি বাসগৃহ সাজিৱলৈ অহাক লৈ সীমান্তত এক উত্তেজনাময় পৰিৱেশ সৃষ্টি হয় হোৱাৰ খবৰে জিলা খনত তীব্ৰ চাঞ্চল্য সৃষ্টি কৰিছে৷ জানিব পৰমাতে আজি বিয়লি অসম-অৰুণাচল সীমান্ত এলেকা নমৰাৰ উত্তৰে অৱস্থিত ২ নং চূডেন চিৰিৰ এক বৃহৎ ভূমি এলেকাক একাংশ চুবুৰীয়া অৰুণাচলীলোক অঞ্চলটোত ঘৰ সজাৰ লক্ষ্যৰে উপস্থিত হৈ বন-জংঘল চাফা কৰিছিল৷ অৰুণাচলীলোকে বন জংঘল কাটি-কূটি ঘৰ সাজিৱলৈ প্ৰস্তুতি চলোৱা কাৰ্যত সীমান্তবাসীৰ চকুত পৰাত অৰুণাচলীৰ বেদখল বিৰূদ্ধে জাঙুৰ খাই উঠে৷ সুপিনে অসমৰ ভূমিত অৰুণাচলীয়ে বাধাহীনভাৱে ঘৰ সাজিৱলৈ চলোৱা কাৰ্যক সীমান্তবাসী অসমীয়াই বাধা আৰোপ কৰাত অৰুণাচলীলোক খৰ্গহস্ত হৈ পৰে৷ ফলত ক্ষণিকতে অৰুণাচলীলোকে ভৰি পৰে সীমান্ত এলেকা৷ সমান্তৰালভাৱে অসম-অৰুণাচলসীমান্তত অসমীয়াৰে অৰুণাচলীৰ সংঘাট উত্তেজনাপূৰ্ণ হোৱাৰ খবৰ বিশ্বনাথ প্ৰাশাসনে লাভ কৰাৰ লগে-লগে বিশ্বনাথ প্ৰশাসন তৎপৰ হৈ পৰে৷ সীমান্তবাসীৰ খবৰৰ ভিত্তিত বিশ্বনাথ আৰক্ষী প্ৰশাসনৰ উচ্চপদস্ত বিষয়াবৰ্গ ঘটনাস্থলীত উপস্থ্ত হয়৷ বিপৰীতে সীমান্তৰ ঘটনাস্থলীত অৰুণাচলৰ পাকেকিচাং জিলাৰ আৰক্ষী-প্ৰশাসনৰ যন্ত্ৰৰ উচ্চ পদস্তলোকো উপস্থিত হয়৷হাতলৈ অহা তথ্যমতে বিশ্বনাথ জিলা আৰু পাকেৰিচাং জিলা প্ৰশাসনৰ বিষয়াবৰ্গ,আৰক্ষী বিষয়াৰ উপস্থিতিত হৈ পৰিৱেশ নিয়ন্ত্ৰণ কৰিৱলৈ সক্ষম হয়৷
জানিব পৰামতে বিশ্বনাথৰ অতিৰিক্ত আৰক্ষী অধীক্ষক , পুৱ শোণিতপুৰৰ বন বিভাগ,পাভৈ বন বিভাগক, বিশ্বনাথ ৰাজহ চক্ৰ বিষয়া আৰু আবছুৰ আঞ্চলিক সমিতি লগতে স্থানীয় লোক ঘটনাস্থলীত উপস্থিত হয়। ইফালে উক্ত স্থানত যাতে কোনো এজন ৰাজ্যৰ লোকে ভূমি দখলৰ চেষ্টা নকৰে তাৰ বাবে প্ৰশাসন লোকে কঠোৰ পদক্ষেপ গ্ৰহণ কৰে।
