বিশ্বনাথ, ১৫ অক্টোবৰ : গহপুৰত চাৰিজন ড্ৰাগছ সৰবৰাহকাৰীক ৰাইজে হাতে-লোটে কৰায়ত্ব কৰে ৷ ইয়াৰ পাচতে গহপুৰৰ ঘাঁহিগাঁও আৰক্ষীক ৰাইজে খবৰ দিয়ে আৰু আটাইকেইজন ড্ৰাগছ সৰবৰাহকাৰীক ৰাইজে আৰক্ষীক গতাই দিয়ে ৷
স্থানীয় লোক সদৰী কৰা মতে, ড্ৰাগছ আদান-প্ৰদান কৰি থকাৰ সময়তে যুৱক কেইজনক আটক কৰে ৰাইজে ৷ ইয়াৰ লগতে AR-01F-7076 নম্বৰৰ এখন চাৰিচকীয়া বাহন জব্দ কৰে আৰক্ষীয়ে ৷ গহপুৰৰ ঘাঁহিগাঁও আৰক্ষী চকীৰ অন্তৰ্গত ইটাপাৰাৰ পৰা আটক কৰা হয় যুৱক কেইজনক ৷
যুৱক কেইজনৰ নাম ক্ৰমে, জিচকেল তানা, তাদ বাটে, বিনয় কৰ্মকাৰ আৰু ভোলা মিশ্ৰ ৷ জিচকেল তানা আৰু তাদ বাটে নামৰ যুৱক দুজন অৰুণাচল প্ৰদেশৰ বুলি জানিবলৈ দিয়ে ৰাইজে ৷ ঘাঁহিগাঁও আৰক্ষীয়ে চাৰিজনকে অধিক তথ্যৰ বাবে জেৰা অব্যাহত ৰাখিছে ।
উল্লেখ্য যে, ভোলা মিশ্ৰয়ে অৰুণাচলৰ বান্দৰদেৱাৰ পৰা প্ৰায়ে ড্ৰাগছৰ সৰবৰাহ কৰি আহিছে ৷ ইফালে, জিচকেল তানা অৰুণাচলৰ আৰক্ষী বিভাগৰ 4th IRBN ৰ জোৱান বুলি জানিব পৰা গৈছে ।
Leave a Reply