বিশ্বনাথত জিলা পৰ্যায়ৰ বান প্ৰস্তুতি সম্পৰ্কে পৰ্যালোচনা বৈঠক অনুষ্ঠিত

বিশ্বনাথত জিলা পৰ্যায়ৰ বান পপৰিস্থিতি সম্পৰ্কে পৰ্যালোচনা বৈঠক অনুষ্ঠিত

বিশ্বনাথত অসম ৰাজ্যিক দুৰ্যোগ ব্যৱস্থাপনা কৰ্তৃপক্ষৰ দল

বিশ্বনাথ চাৰিআলি, ৪ জুলাই_ অসম ৰাজ্যিক দুৰ্যোগ ব্যৱস্থাপনা কৰ্তৃপক্ষৰ নোডেল বিষয়া ড০ কৃপালজ্যোতি মজুমদাৰ (প্ৰকল্প বিষয়া), জ্যেষ্ঠ কাৰিকৰী বিশেষজ্ঞ মুকুন্দ উপাধ্যায় নেতৃত্বাধীন দলটোৱে জিলা দুৰ্যোগ ব্যৱস্থাপনা কৰ্তৃপক্ষ(ডিপিঅ আৰু এফঅ)ৰ বিষয়ববীয়াসকলৰ সৈতে আজি বিশ্বনাথত জিলা পৰ্যায়ৰ বান প্ৰস্তুতি সম্পৰ্কে এখন পৰ্যালোচনা সভাত অংশগ্ৰহণ কৰে। বিশ্বনাথৰ মহকুমাধিপতিৰ সন্মিলন কক্ষত অনুষ্ঠিত হোৱা এই পৰ্যালোচনা সভাত সভাপতিত্বত কৰে অতিৰিক্ত উপায়ুক্ত তথা বিশ্বনাথ মহকুমাৰ ভাৰপ্ৰাপ্ত মহকুমাধিপতি জয় শিবানীয়ে।গহপুৰ মহকুমাৰ ভাৰপ্ৰাপ্ত মহকুমাধিপতি তথা অতিৰিক্ত উপায়ুক্ত লুকুমনি বৰাৰ উপৰিও সহকাৰী আয়ুক্ত সকল, বিশ্বনাথআৰু গহপুৰ মহকুমাৰ বিভিন্ন বিভাগৰ মুৰব্বী বিষয়াসকলেও এই পৰ্যালোচনা বৈঠকত অংশগ্ৰহণ কৰে। পৰ্যালোচনা সভাখনিত অংশ গ্ৰহণ কৰা অসম ৰাজ্যিক দুৰ্যোগ ব্যৱস্থাপনা কৰ্তৃপক্ষৰ দলটিয়ে বানপানীৰ বাবে জিলাখনৰ প্ৰস্তুতিৰ স্থিতি পৰ্যালোচনা কৰে আৰু এক কাৰ্যকৰী ব্যৱস্থাৰ বাবে উপযুক্ত পদক্ষেপ ল’বলৈ সংশ্লিষ্ট বিভাগ সমুহক পৰামৰ্শ দিয়ে।পৰ্যালোচনা সভাখনিত সভাপতি তথা অসম ৰাজ্যিক দুৰ্যোগ ব্যৱস্থাপনা কৰ্তৃপক্ষ আৰু জিলা দুৰ্যোগ ব্যৱস্থাপনা কৰ্তৃপক্ষৰ বিভিন্ন মতামত সম্পৰ্কে বিভাগসমুহেও তেওঁলোকৰ মন্তব্য দাঙি ধৰে।উল্লেখযোগ্য যে, কাইলৈ ৰাজ্যিক দুৰ্যোগ ব্যৱস্থাপনা কৰ্তৃপক্ষৰ দলটোৱে গহপুৰ মহকুমা পৰিদৰ্শন কৰিব আৰু পূৰ্ব চিনাক্ত সাহাৰ্য্য শিবিৰত প্ৰস্তুতিৰ স্থিতি নিৰীক্ষণ কৰাৰ লগতে দলটোৱে পাকে আৰু লোহিতমুখত বানপানীৰ দুৰ্যোগ প্ৰৱনতা মূল্যায়ন কৰিব বুলি জানিব পৰা গৈছে।