সুগন্ধি পখিলাৰ কবি হীৰেন ভট্টাচাৰ্যৰ স্মৃতিত ধুবুৰী জিলা সাহিত্য সভা আৰু নলবাৰী জিলা সাহিত্য সভাৰ উদ্যোগত ‘কাব্যসেঁতু’ সম্পন্ন

স

■  নলবাৰী জিলা সাহিত্য সভা আৰু ধুবুৰী জিলা সাহিত্য সভাৰ যৌধ উদ্যোগত সুগন্ধি পখিলাৰ কবি হীৰেন ভট্টাচাৰ্যৰ স্মৃতি দিৱস উপলক্ষে ৪ জুলাইত ‘কাব্যসেঁতু’ নামেৰে এটি মনোগ্ৰাহী কাব্য অনুষ্ঠান সম্পন্ন হয় । প্ৰযুক্তি মুক্তধাৰাৰ গুগল মীটৰ জৰিয়তে আয়োজিত এই অনুষ্ঠান অসম সাহিত্য সভাৰ পত্ৰিকা সম্পাদক তথা ধুবুৰী ভোলানাথ মহাবিদ্যালয়ৰ অসমীয়া বিভাগৰ মুৰব্বী অধ্যাপক ডঃ উপেন্দ্ৰজিৎ শৰ্মাই সঞ্চালনা কৰে । হীৰেন ভট্টাচাৰ্য ৰচিত আৰু ধুবুৰীৰ জনপ্ৰিয় শিল্পী মালবিকা ডিহিদাৰে গোৱা গীতেৰে অনুষ্ঠান আৰম্ভ কৰা হয় । নলবাৰী জিলা সাহিত্য সভাৰ সম্পাদক পংকজ বেজবৰুৱাই অনুষ্ঠানৰ লক্ষ্য–উদ্দেশ্যৰ ব্যাখ্যা আগ বঢ়ায় । আদৰণী ভাষণ প্ৰদান কৰে ধুবুৰী জিলা সাহিত্য সভাৰ সম্পাদক আজাদ আলী আহমেদে । অনুষ্ঠান উদ্বোধন কৰে বৰ্ষীয়ান বিশিষ্ট শিক্ষাব্ৰতী তথা ধুবুৰী গদাধৰ কবিচক্ৰৰ সভাপতি দেৱেন্দ্ৰনাথ শৰ্মাই । অনুষ্ঠানত মুখ্য অতিথি হিচাপে অসম সাহিত্য সভাৰ কাৰ্যনিৰ্বাহক সদস্য ডাঃ বিপিন চন্দ্ৰ কলিতা, বিশিষ্ট অতিথি হিচাপে ধুবুৰী জিলা সাহিত্য সভাৰ সভাপতি তৰণীকান্ত ৰয়ে ভাগ লয় । নলবাৰীৰ জনপ্ৰিয় কবি তথা শিক্ষাব্ৰতী বিনয় কুমাৰ মজুমদাৰে পঠিত কবিতাবোৰৰ তাৎক্ষণিক পৰ্যালোচনা আগ বঢ়ায় । ‘কাব্যসেঁতু’ অনুষ্ঠানত নলবাৰী জিলাৰপৰা অজিত ৰাজবংশী, কংকণ শৰ্মা, কবিতা ডেকা তালুকদাৰ, নিৱেদিতা হাজৰিকা, দীপালিমা দত্ত, প্ৰণীতা হালৈ, হেমেন ৰাজবংশী, মামণি ডেকা, জুনু গোস্বামী, ডিম্বিকা চৌধুৰী, ৰুণুমী দেৱী, ভাস্বতী দেৱী, আৰতী মিশ্ৰ, পাৰুল গোস্বামী, জয় চন্দ্ৰ শৰ্মা, নীলিমা দেৱী ভাগৱতী, হীৰামণি তালুকদাৰ, বনশ্ৰী চৌধুৰী, নিৱেদিতা ডিম্পল আকৌ ধুবুৰী জিলাৰপৰা ধনঞ্জয় সিন্‌হা, প্ৰণৱ কুমাৰ বৰ্মন, ডঃ অলকা শৰ্মা, বিজু ভকত, আলতাফ হুছেইন আহমেদ, জুইন দাস, আব্দুল হানিফ খান, হেম চৰকাৰ, ধনঞ্জয় ৰায়, মিহিৰ দাস, হেমলতা কাকতী আৰু তিলক প্ৰসাদে স্বৰচিত কবিতা পাঠেৰে আকৌ লোক সংগীতৰ প্ৰখ্যাত কণ্ঠ শিল্পী ভোলানাথ ৰায়ে গোৱালপৰীয়া, প্ৰবীণ বৈশ্যই বাঁহৰ সুৰ আৰু শংকৰ শৰ্মাই স্বৰচিত গীত পৰিৱেশন কৰি হীৰেন ভট্টাচাৰ্যলৈ শ্ৰদ্ধা নিৱেদন কৰে । এই অনুষ্ঠানত নলবাৰীৰ মহেন্দ্ৰ নাৰায়ণ চৌধুৰী বালিকা মহাহিদ্যালয়ৰ অৱসৰীয়া অধ্যাপিকা ডঃ লীনা ডেকা, হাফলঙৰ বিশিষ্ট সাহিত্যব্ৰতী আলো নুনিচা, নলবাৰীৰ জনপ্ৰিয় লেখক পংকজ গোৱিন্দ মেধি, বঙাইগাঁৱৰ স্বাগত চ্কিৎসালয়ৰ সঞ্চালক তথা বিশিষ্ট চিকিৎসক শংকৰ দাস আৰু মাজুলী সাহিত্য সভাৰ সম্পাদক শংকুসিদ্ধ নাধে অতিথি হিচাপে ভাগ লৈ শুভেচ্ছামূলক ভাষণ প্ৰদান কৰে । ধুবুৰী জিলা সাহিত্য সভাৰ সহকাৰী সম্পাদক দীপক দেৱনাথে অনুষ্ঠানত ভাগ লোৱা সকলোলৈ শলাগ জ্ঞাপন কৰে । অসম সংগীতেৰ ‘কাব্যসেঁতু’ অনুষ্ঠান সামৰা হয় । ।