বিগত ৯ বছৰে বিকল গুৰিয়া পানী যোগান আঁচনিঃ কাৰ্যক্ষম কৰি তোলাৰ দাবী স্থানীয় জনতাৰ

■ কৃষ্ণাইৰ পৰা কন্দৰ্প কুমাৰ দেৱ নাথ: কেতিয়া কাৰ্যক্ষম হৈ উঠিব গুৰিয়া পানী যোগান আঁচনি ৷ বিগত ৯ বছৰে এই প্ৰশ্নটোকে পাগুলি থাকি একপ্ৰকাৰ ভাগৰি পৰিছে গুৰিয়া অঞ্চলৰ ৰাইজ ৷ উল্লেখ্য যে, গোৱালপাৰা জিলাৰ কৃষ্ণাইৰ কাষৰীয়া গুৰিয়াত বিগত ২০১২ চনতে জনস্বাস্থ্য কাৰিকৰী বিভাগ,গোৱালপাৰা সংমণ্ডলে স্থাপন কৰিছিল গুৰিয়া পানীযোগান আঁচনি ৷

উদ্দেশ্য আছিল গুৰিয়া , ৰামপুৰ আৰু ভেল্টাৰঘাট অঞ্চলৰ জনসাধাৰণক বিশুদ্ধ খোৱা পানীৰ যোগান ধৰা ৷ পিছে স্থাপন হোৱাৰ বিগত ৯টা বছৰত ৯মাহে ভালকৈ পানী যোগান নাপালে অঞ্চলটোৰ প্ৰায় ডেৰ শতাধিক পৰিয়ালে ৷ দুদিন পানী যোগান ধৰি চাৰিদিন বিকল হৈ থকা আঁচনি খনত কৰ্মৰত কৰ্মচাৰী সকলৰো গা এৰা দিয়া মনোভাৱ ৷

যাৰ পৰিপ্ৰেক্ষিতত আঁচনি খনক লৈ অতিষ্ঠ হৈ পৰিছে অঞ্চলবাসী ৷ ক্ষোভিত ৰাইজে নতুন চৰকাৰ খনক এই ক্ষেত্ৰত ফলপ্ৰসূ ব্যৱস্থা গ্ৰহণ কৰিবলৈ পুণৰাই আহ্বান জনাইছে ৷

Be the first to comment

Leave a Reply

Your email address will not be published.


*


This site uses Akismet to reduce spam. Learn how your comment data is processed.