মুক্তি পালে
মংগল নায়কৰ চুটি ছবি “ধোঁৱা”
অসম খবৰ , বিশ্বনাথৰ পৰা ৰমেশ চন্দ্ৰ চৰেণ , ৩ জানুৱাৰী ঃ
অলপতে মুক্তি লাভ কৰিলে আদিবাসী চাহ জনগোষ্ঠীৰ চুটি ছবি “ধোঁৱা” ৷ জনপ্ৰিয় অভিনেতা/পৰিচালক মংগল নায়কে এক ব্যক্তিক্ৰমধৰ্মী সমাজ সচেতনমুলক “ধোৱা” নামৰ চুটি ছবি এখন নিৰ্মাণ কৰি উলিয়াই ৷ “মংগল নায়ক অসম” নামৰ ইউটিউব চেনেলত মুক্তি লাভ কৰা “ধোৱা” ছবিখন মুখ্যতঃ মদ নিবাৰণৰ আধাৰত নিৰ্মাণ কৰা হৈছে ৷
মদে বৰ্তমান সমাজখনক কেনেদৰে পংগু কৰে ; ছবিখনত সুন্দৰকৈ পৰিস্ফুট কৰা হৈছে ৷
অসমৰ বিভিন্ন অঞ্চলৰ লোকেচনত চিত্ৰগ্ৰহন কৰা ধোঁৱা ছবিখনৰ কাহিনী/সংলাপ আৰু চিত্ৰনাট্য মংগল নায়কৰ ৷ ছবিখনৰ পৰিচালনাও কৰিছে মংগল নায়কে ৷
চিত্ৰ গ্ৰহন অনুপ পাতৰৰ ৷ ছবিখনত অভিনয় কৰিছে ক্ৰমে মংগল নায়ক , শেৱালি ভুমিজ , জাইনুদ্দিন , ৰঞ্জিত ৰাজোৱাৰ , লীলা বৰা , ৰুমী গড় , উজালা কে চাংমা , নীলাক্ষি নায়ক , চাহজাহান আলী , পৱিত্ৰ ভুমিজ , অজিত টুটি , গোলচন গোৱালা , চাহজাহান লস্কৰ , অমৰনাথ মুৰ্মু , জীতেন নায়কৰ লগতে বহু নবীন প্ৰবীন শিল্পীয়ে ৷
ছবিখনৰ সহপৰিচালনা অতুল ভুমিজৰ ৷
ইতিমধ্যে মুক্তি লাভ কৰা ছবিখন “মংগল নায়ক অসম” নামৰ ইউটিউব চেনেলত উপলব্ধ হব ৷ সমুহ ৰাইজক উক্ত চেনেলটিক Subscribe , Like , Comment আৰু share কৰি সকলোকে উপভোগ কৰাৰ আহ্বান জনাইছে ছবিখনৰ পৰিচালক মংগল নায়কে ৷
