অসম আদৰ্শ গ্ৰাম যোজনা আচঁনিৰ অধীনত পথৰ আধাৰশিলা বিধায়ক ৰঞ্জিত দত্তৰ ::
বিশ্বনাথ ৫আগষ্ট।
মুখ্যমন্ত্ৰী ড° হিমন্ত বিশ্ব শৰ্মাই কিছু দিনৰ আগতে জনতা ভৱনত অসম আদৰ্শ গ্ৰাম যোজনা (Axom Adarxo Gram Yojana) ৰূপায়ণ সংক্ৰান্তত ৰূপান্তৰণ আৰু উন্নয়ন বিভাগৰ জ্যেষ্ঠ বিষয়াসকলৰ সৈতে এক বৈঠকত মিলিত হয় ।
এই বৈঠকত বহুকেইটা সিদ্ধান্ত গ্ৰহণ কৰা হয় ।
লগতে অসমৰ ২৫০ খন গাঁওত থকা শিক্ষানুষ্ঠান, অংগনৱাড়ী কেন্দ্ৰ, পথ, যুৱ পুথিভঁৰাল, প্ৰেক্ষাগৃহ, গছপুলি ৰোপণ আদিৰ আন্তঃগাঁথনি নিৰ্মাণ তথা বিকাশৰ বাবে (empower the villages) পৰ্যায়ক্ৰমে বিভিন্ন পদক্ষেপ গ্ৰহণ কৰা সিদ্ধান্ত লৈছে।
আনহাতে এই আঁচনি জৰিয়তে অসমৰ ২৫০খনতকৈও অধিক গাঁও চৰকাৰে নিৰ্ধাৰণ কৰা বিভিন্ন মাপকাঠীৰ আধাৰত যোজনাখনৰ বাবে বাছনি কৰি ইতিমধ্যে উন্নয়ন বাবে পুঁজি মুকলি কৰি দিছে চৰকাৰে।
ইফালে “অসম আদৰ্শ গ্ৰাম যোজনা” আচঁনিৰ অধীনত শনিবাৰে বিহালী সমষ্টিৰ পুলিচুমনি আদৰ্শ গাঁৱৰ সুনিল স্বৰ্গীয়াৰী ঘৰৰ ওচৰৰ পৰা হৰেণ গয়াৰীৰ ঘৰ হৈ অজিত মুণ্ডাৰ ঘৰৰ লৈকে ৪৯,০০,০০০.০০ টকাৰ এটা পকী পথৰ নিৰ্মাণ কামৰ শুভাৰম্ভ কৰে বিধায়ক ৰঞ্জিত দত্তই।
লগতে বিধায়ক গৰাকীয়ে সমষ্টিটোৰ বিভিন্ন গাঁওল। বিধায়ক পুঁজি ২০২২-২৩ বৰ্ষৰ অধীনত তেৱাৰী বস্তিৰ শিৱ মন্দিৰ,শিমলুগুৰি নামঘৰ আৰু বাঘমাৰী শিৱ মন্দিৰৰ পকী বেৰ নিৰ্মাণ কাৰ্য্যৰ উপৰিও অসম চৰকাৰৰ অভিলাষী “অসম দৰ্শন” আচঁনি ২০২৩-২৪ বৰ্ষৰ অধীনত ১নং দিছিৰি শিৱ মন্দিৰৰ আধাৰশিলা স্থাপন কৰে।
এই আধাৰশিলা অনুষ্ঠানত বিধায়ক গৰাকীক সংগ দিয়ে বাঘমৰা উন্নয়ন খণ্ডৰ সহঃকাৰ্য্যবাহী অভিযন্তা,স্থানীয় জনপ্ৰতিনিধিসকল,বিশিষ্ট ব্যক্তিসকল আৰু স্থানীয় ৰাইজে৷
