বিশ্বনাথ মহাবিদ্যালয়ত শৈক্ষিক ভৱনৰ শিলান্যাস
অসম খবৰ , বিশ্বনাথৰ পৰা ৰমেশ চন্দ্ৰ চৰেণ , ২০ ডিচেম্বৰ ঃ
ঐতিহ্যমণ্ডিত বিশ্বনাথ মহাবিদ্যালয়ত আন্তঃগাঠনি উন্নয়ন আৱন্টন পূজিৰ অধীনত আজি মহাবিদ্যালয়ত
শৈক্ষিক ভৱনৰ শিলান্যাস কাৰ্যসূচী বৈদিক নিয়মৰে অনুষ্ঠিত কৰে ৷
মহাবিদ্যালয়ৰ অধ্যক্ষ ড°
চিন্তামণি শৰ্মাই আঁঁতধৰা শিলান্যাস কাৰ্যসূচীৰ শুভ আৰম্ভণি কৰে পৰিচালনা সমিতিৰ সভাপতি অভিযন্তা কোকিল হাজৰিকাই৷ অনুষ্ঠানটিত সভাপতি কোকিল হাজৰিকাক এখনি ফুলাম গামোচাৰে আদৰণি জনাই উপাধ্যক্ষ বাবুল বৰাই ৷ অধ্যক্ষ ড° চিন্তামণি শৰ্মাক আদৰণি জনাই জেষ্ঠ অধ্যাপক ৰামানন্দ বৰাই ৷ পৰিচালনা সমিতিৰ সভাপতি কোকিল হাজৰিকাই তেওঁৰ ভাষণত ছাত্ৰ ছাত্ৰী সকলৰ শ্ৰেণী
কোঠাৰ সুবিধাৰ বাবে মহাবিদ্যালয়ৰ
আন্তঃগাঁথনি উন্নয়নৰ ওপৰত গুৰুত্ব আৰোপ কৰা বুলি উল্লেখ কৰে ৷ শিলান্যাস অনুষ্ঠানটোত অধ্যাপক-অধ্যাপিকা ,ছাত্ৰ সংসদৰ সদস্যসকল আৰু ছাত্ৰ ছাত্ৰী সকল উপস্থিত থাকে৷ মহাবিদ্যালয়ৰ এনে উন্নয়নমুলক কাৰ্যক বিদ্বান মহলে শলাগ লয়৷
বিশ্বনাথৰ পৰা ৰমেশ চন্দ্ৰ চৰেণ
